Udaltalde 21 Nerbioi-Ibaizabalek jakinarazi duenez etxeko hondakinen zati organikoa gaika biltzeko sistema (bosgarren edukiontziaren eta autokonpostajearen bitartez) ezartzeari buruz herritarrei helarazi beharreko Informazio Planaren bigarren fasea abian jarri da besteak beste Arakaldon, Arrankudiaga-Zollon eta Orozkon.
Dagoeneko 1.600 etxe baino gehiago ari dira parte hartzen, %80 bosgarren edu-kiontzian eta %20 autokonpostajean. Datu ona da, baina hobetzen jarraitu behar du. Horretarako, zenbait komunikazio-ekimen abiaraziko dira urtarrilean eta otsailean: udal bandoak, informazio-liburuxkak postontzietan sartzea, bosgarren edukiontzirako kita banatzeko toki berriak, eta autokonpostajeari buruzko trebakuntza-tailerrak.
Pisu batean bizi direnek, landare-hondakinak bereizteko aukera dute, gero bosgarren edukiontzira botatzeko (kolore marroia); horretarako, ontzia, 100 poltsa konposta-garriak, edukiontzia irekitzeko giltza eta azalpenak ematen dituen eranskailua banaketa iraunkorreko puntuetan jaso beharko dituzte. Puntu iraunkor horiek Arakaldo eta Orozkoko Udaletxeak dira besteak, bai eta Udaltalde 21 Nerbioi-Ibaizabalen Bulegoa ere, Arrankudiaga-Zollon (Elexalde 18).
Gainera, arratsaldeko ordutegi berezian, 18:00etatik 20:00etara, topaketarako eta banaketarako espazio hauek antolatu dira, gure eskualdeari dagozkionak ondorengoak dira:
Urtarrilak 30, Orozko: Kultur Etxea.
Otsailak 6, Arrankudiaga-Zollo: Udaltalde 21 Nerbioi-Ibaizabal Bulegoa.
Ortua edo lorategia duten etxeetan, aldiz, euren konpostaje-prozesu propioa egiteko aukera dute. Horretarako, beharrezkoa da izena ematea eta bi orduko trebakuntza-tailer batera joatea. Bertan jasoko dituzte autokonpostatzeko materialak: konpostagailua, aireagailua eta eskuliburua.
Hauek dira gure eskualdean antolatutako tailerrak:
Urtarrilak 30, Orozko: Kultura Etxea.
Otsailak 6, Arrankudiaga-Zollo: Udaltalde 21 Nerbioi-Ibaizabal Bulegoa.
Tailerren ordutegia 18:00etatik 20:00etara bitartekoa izango da, eta tailer gehiago ere eskainiko dira, eskariaren arabera. Bildutako datuen arabera, 2014ko azaroan eta abenduan 20,6 tona materia organiko jaso dira bosgarren edukiontzian. Hondakin horiek Bizkaiko Konpostegian ari dira tratatzen, mendiak eta lorategiak hobetzeko balioko duen konposta ekoiztuz.
Proiektu honek Bizkaiko Foru Aldundiaren diru-laguntza jaso du.
Argibide gehiago behar izatekotan: deitu 94 621 54 72 telefonora edo sartu www.ut21.org web orrialdean.