2015. urtea bukatzearekin batera, bost urtez Arrankudiaga-Zolloko Gizarte-Etxea auzo elkarteko aste barruko laguntzaile-arduraduna izandako Naiara Albizuak eta David Medierok euren ardura bukatutzat eman zuten.
Orduan, zerbitzua betetzeko izen berriak emateko epea zabaldu egin zen eta herriko Gazte Asanblada bilakatu da aurrerantzean astean zehar laguntzaile-arduradun berria. Astelehenetik ostiralera gazteen artean kudeatuko dituzte bai taberna eta zein gainerako ardurak.
Gainera, Gizarte-Etxea garai berrietara egokitzeko eta zerbitzu berriak eskaintzeko asmoz, Batzar-Nagusia burutuko dute domeka honetan, eguerdiko 13:00etan. 2015. urtearen amaieran, azaroan alegia, auzokideak euren artean bildu eta aldaketa batzuk onartu egin zituzten. Horien artean, hogei urtez inguru elkarteko lehendakari izandako Joxe Iturrizarrek kargua amaitutzat eman zuen, junta berria eratzeko proposamena onartu zen eta junta berri horri elkarteko estatutuak berritzeko ardura eman zitzaion.
Batzar-Nagusian landuko diren puntuak hurrengoak izango dira:
- Aste barruko laguntzaile-arduradun berriak.
- Junta berriko partaideen proposamena.
- Estatutu berrien eragileen promosamena.
- Zenbait proposamen: erabilera arauak, sentsibilizazio kanpaina edo garbiketak.
- Obrak.
- Bakoitzak lekarkeena.