Bi urte eta gero, barriro Andramari jaiak! Konfinamendu, maskara, debeku eta distantzia garaiek hankaz gora jarri ziguten gure bizitzak eta, oraindik ere, zuhurtziaz jokatu beharrean gaude. Pandemiak sufrimendua ekarri duen etxe guztietara elkartasun osoa eta besarkadarik samurrena bidaltzen dogu. Baina atsekabe guztien gainetik etorkizuna eraikitzen jarraitu behar dogu: elkar zaindu, elkarbizitza sustatu, ametsak eta bizipoza konpartitu, eta guztiok zoriontsu bizitzeko herria egiteari ekin. Andramari, kofradia eta berakatz eguna. Umorea eta alaitasuna. Uribarriko Sanpedroen eta Basakoetxeko erromeriaren ostean, hemen dira Andramari jaiak, geroago etorriko dira Atxetakoak eta Zolloko sanmartinak. Eskerrik beroenak jai batzordeei eta jaien antolaketetan parte hartzen dozuen talde, elkarte eta lagun guztioi. Zuen lanari esker doguz jai hain herrikoi eta euskaldunak. Ezin ahaztu jaietan ezingo direnak egon: joandakoak, gaixoak, ezinduak, presoak, exiliatuak eta herritik urrun dagozen guztiak. Geugaz izango doguz gure bihotzetan.
Igaro dagiguzan jaiak askatasunean, berdintasunean eta euskeraz! Eraso sexistarik EZ! LGTBIfobiarik EZ!