Asteak dira Aiaran San Prudentzio zaindariaren jaiak bertan behera uzteko erabaki zaila hartu behar izan genuela. Jaiegun hori ezin izan da ospatu erantzukizunagatik eta, batez ere, zuhurtziagatik, COVID-19ak eragindako osasun-krisia larriagotu dezaketen pilaketak edo arrisku-egoerak saihesteko.
Aiarako herritarrentzat jaiek eta ohiturek kultura eta aisialdi balio handia dute, Arespalditzako San Isidro Azokak kasu, bertan behera utzi behar izan zutena. Iraileko lehen larunbatean, San Vitoresen omenez, ohi bezala, hainbat ekitaldi egin behar ziren, hala nola meza, sokatira eta artzainari omenaldia, Kobata aterpearen inguruetan, Gorobel mendilerroan. Ospakizun hori ere bertan behera geratu da.
Aiarar guztiei eskatu nahi nieke ez lasaitzeko birusaren aurrean, herritar guztien ardura baita koronabirusaren hedapenari eusteko ahaleginak egitea. Orain, inoiz baino gehiago, gure ingurukoekin arduratsuak eta solidarioak izan behar dugu, eta osasun-agintariek ezarritako gomendioak bete behar ditugu. Ziur nago, horrela, laster aterako garela egoera honetatik.