aiaraldea.eus

Astelehenean egingo du CD Laudiok Batzar Orokorra

Erabiltzailearen aurpegia Aimar Gutierrez   Kirola  Laudio

Bazkide guztiei egin die deia CD Laudio futbol taldeko zuzendaritza berriak datorren astelehenean egingo den batzar orokorrean parte hartzeko.

Astelehenean egingo du CD Laudiok Batzar Orokorra
Zuzendaritza talde berria aurkeztuko dute batzar orokorrean. / Aiaraldea.eus | Ikusi handiago | Argazki originala

Ohiko eta ezohiko batzar orokorra deitu ditu CD Laudioko zuzendaritzak uztailaren 10erako. Erabilera anitzeko udal aretoan izango da 19:00etan. Iragan ekainean Javi Zaballa klubeko zuzendaria izateko hautatua izan zenetik egiten den lehenengo bazkideen batzarra izango da.

Zuzendaritza talde berria aurkeztuko da bertan eta 2018-2019 denboraldiari begirako xehetasunak adostuko dira.

Denboraldi berrirako aurrekontua bozkatu, bazkideen kuotak adostu eta kirol-proiektua eztabaidatu da, besteak beste. 2017-2018 denboraldiko likidazioa ere landuko da asteleheneko batzarrean.

Ibilbide gorabeheratsua
Soka luzea ekarri zuen CD Laudioko lehengo zuzendaritza taldearen aldaketak. Klubaren gidaritza inork hartuko ez zuelakoan, klubaren jarraipena ere zalantzan egotera iritsi zen. Carlos Larrory CD Vitoria taldeko zuzendaritzako kideak kluba kudeatzeko bere burua aurkeztu zuen. Aldiz, Javier Zaballak “Laudio Gorritazuri” taldea aurkeztu zuen. Azkenean, ekaina erdialdean egin zen bozketan, Zaballaren zuzendaritzaren alde azaldu zen bazkideen gehiengoa.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa