Bihar berriro lanera joan beharko dira Tubacexeko hainbat langile, zuzendaritzak fabrikak berriro irekitzea erabaki duelako. Enpresako buruek jakinarazi dute makina eta azpiegiturak abian jarri dituztela dagoeneko, eta bihar 14:00etan hasiko direla berriro martxan, ohikoan baino erritmo baxuagoan bada ere. Lanera joan beharko diren beharginekin harremanetan jartzen ari dira.
Enpresa Batzordeak gaur izan du albistearen berri. Zuzendaritzak bilera bat egingo du sindikatuekin bihar, 11:00etan, erabakiaren gaineko xehetasun gehiago emateko.
Espainiako Gobernuaren erabakia
Antza, Eusko Jaurlaritzak eta Espainiako Industria Ministerioak eginiko “argipenengatik” erabaki du Tubacexek ekoizpena berriro abiatzea. Espainiako Gobernuak zenbait salbuespen sartu ditu funtsezkotzat hartzen ez diren jardueretan. Gauzak hala, zenbait enpresek aukera izango dute “ezinbesteko gutxieneko jarduera bat” mantentzeko, “asteburu edo jai-egun batean dagoen lan-erritmoa” erreferentzia gisa hartuta.
Horretarako aukera emango die gobernuak, besteak beste, ekoizpen gehiena esportatzen duten eta, ondorioz, itxialdiaren ondorioz merkatua galdu dezaketen enpresei.
Tubacexeko zuzendaritzak hainbat aldiz aldatu du bere jarrera azken egunetan. Igandean lanera joan behar zutela esan zien langileei, hori zehazten zuen Errege Dekretua oraindik argitaratu gabe zegoen arren. Behin dekretua argitaratuta, 00:30ak aldera, mezu bat bidali zien beharginei, azkenean lanera ez joateko esanez.
Bihar fabrikak berriro irekiko dituela jakinarazi die Tubacexek langileei
Espainiako Gobernuak hainbat salbuespen sartu ditu funtsezkoak ez diren zerbitzuen barruan. Hori baliatu du enpresak lantegiak berriro irekitzeko.
Erlazionatuak
![[ANALISIA] Tubacex eta Tubos Reunidosek jarduera eten beharko dutela dio Errege Dekretuak, baina ate batzuk zabalik utzi ditu](https://aiaraldea.tok-md.com/argazkiak/xXc/cache/76_1%20azala%20tubos%20reunidos%20irudia_tokikom_735x413.JPG)
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide