Superberriakeko langileek ekitaldia egingo dute igandean, jasotako babesa eskertzeko

Aitor Aspuru Saez 2022ko irailaren 23a
Deskargatu Info Ahotsak :

Ehunka lagun elkartu ziren ostiralean Superberriak supermerkatuetako mobilizazioan. / Aitor Burgoa

Superberriakeko langile guztien kaleratzea ekarriko zuen Enplegua Erregulatzeko Espedientea atzera bota eta gero, beharginek ekitaldia deitu dute igandean Aldai plazan 13:00etan, herritarren babesa eskertzeko.

Asteartean lortu zuten Superberriakeko beharginek enpresak abiatutako enplegua erregulatzeko espedientea indargabetzea, bost eguneko greba mugagabearen ondoren. Erabaki horrekin 90 kaleratze inguru gelditu zituzten eta BM frankiziako Uvesco taldeak hartuko ditu bere gain negozioak.

Hori guztia lortzeko, langileek babes zabala jaso dute Araban eta Bizkaian. Esaterako, Laudion duela astebete egindako manifestazioan ehunka lagun batu ziren.

Gauzak horrela, Superberriakeko beharginek ekitaldia egingo dute igandean, 13:00etan Aldai plazan. Horren helburua izango da eskertzea grebak izandako bultzada herrikoia. Hitzartzearen ondoren, luntxa eskainiko dute.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide