Altuna y Uria enpresak eskaintza egin du Laudioko Antzokia eraikitzeko

Laudio Antzokiaren proiektua. / Laudioko Udala

Laudioko Udalak ziurtatu behar du eskaintzak betetzen dituela esleipenaren baldintzak eta, hala balitz, argi berdea emango lieke Laudio Antzokia eraikitzeko obrei.

Aurreko deialdia bertan behera utzi eta gero, Udalak eskaintza bat jaso du Laudio Antzokia eraikitzeko obren bigarren lehiaketan. Altuna y Uria izan da proposamena egin duen enpresa eta tokiko erakundeak azaldu du aztertzen ari direla baldintza guztiak betetzen dituen.

Horrela izanez gero, tokiko erakundeak lanak esleituko lizkioke eta obra urtea amaitu baino lehen hasiko litzateke. Gauzak horrela, eta aintzat hartuta 24 hilabeteko lanak direla, 2024an irekiko lituzke ateak.

Gogoratu beharra dago aurreko lehiaketan enpresek baxuegitzat jo zutela Laudioko Udalaren aurrekontua, 5.180.863,11 eurokoa.

Edonola ere, hori ez da izan Laudio Antzokiak izandako atzerapen bakarra. 2018an Euskal Herriko Arkitektoen Elkargoak helegitea jarri zuen proiektuaren lehiaketan eta 2019an exekuzio proiektuaren kasuan beste helegite bat egon zen.

Altuna y Uria

Altuna y Uria enpresa oso ezaguna da Euskal Herrian. Alde batetik, 1975etik obra publikoetan oso modu aktiboan lan egiten du; Leitzarango Autobidea, Eibar-Gasteiz AP-1 autopista, Kursaal eraikina, Zubietako Erraustegia...

Hain zuzen, proiektu handi horietako batean parte hartzeagatik agertu zen enpresaren izena hedabide guztietan, 2008ko abenduaren 3an ETAk Inaxio Uria -konpainiako sortzailearen semea eta enpresaburua- hil baitzuen, Abiadura Handiko Trenaren aurkako kanpainaren barruan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide