Anabel Perez De Aguado Resak hartu du Aitziber Duarte zeramikariaren lekukoa Bigarren azala egitasmoan. Atzo jarri zuten berak eginiko murala Zumalakarregi etorbidean.
Bere ohiko estiloari eutsi dio Aretako artistak, argazkiak eta testua collage estiloan uztartuta. Oraingoa ere, haur lapurtuak izan ditu hizpide. Bere sorkuntza ibilbide osoan presente egon da gai hori, bere esperientzia pertsonaletatik abiatuta.
Seigarren 'azala'
Udan plazaratu zuen Kulturzaleak elkarteak 'Bigarren azala' ekimena. Dinamika sinplea da: Laudioko artista batek sortutako mural bat jartzen dute hilero Zumalakarregi etorbideko paretan. Orain arte bost sortzaileren lanak egon dira ikusgai: Izaskun Alonso Saratxaga margolariarena, Xabi Gorostiaga Uriarte disenatzailearena, Peke Jaen argazkilariarena, Igor Arzuaga musikariak eta Aitziber Duarte zeramikariarena.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
