Xabi Basterra eta Egoitz Uriarteri elkarrizketa musikatua, ostegunean Faktorian

Erredakzioa 2023ko urtarrilaren 23a
Deskargatu Info Ahotsak :

'Cerdito Rosa Tour' bira abiatu dute bi musikariek elkarrekin.

Aiaraldea Komunikabideak antolatu du solasaldia, eta presentzilaki zein Internet bidez jarraitu ahalko da, 21:00etan.

Elkarrizketa musikatua eskainiko du Aiaraldea Komunikabideak ostegun honetan -urtarrilak 26- Faktorian, Xabi Basterra eta Egoitz Uriarterekin. Bi musikari laudiorrek ‘Cerdito Rosa Tour’ bira abiatu dute elkarrekin, eta horri buruz eta esku artean dituzten bestelako propiektuei buruz mintzatuko dira, 21:00etan. Horrez gain, instrumentuekin igoko dira Faktoriako oholtzara, solasaldia zenbait abestirekin tartekatzeko. 

Ekitaldirako sarrera libre eta doakoa izango da. Aiaraldea Komunikabideak zuzenean emitituko du elkarrizketa, Aiaraldea.eus atarian eta YouTube eta Twitch kanaletan. 

Xabi Basterra duela 7 urte inguru hasi zen bakarlari moduan jotzen, eta disko bat argitaratu du dagoeneko. Egoitz Uriarte, aldiz, hainbat proiektutan aritu da (Green Valley talde ospetsuan, besteak beste), baina bakarkako ibilbide oparoa ere garatu du. 

 

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide