Autoglas-Glavista enpresa ixteko eta langileak kaleratzeko espedientea abiatuko dute aste honetan

Aitor Aspuru Saez 2023ko ira. 28a, 22:36
Udan egin dituzte hainbat mobilizazio langileek./ Aiaraldea

Konkurtso-administratzaileak adierazi die langileei aste honetan hasiko duela enpresa desagerrarazteko eta beharginak kaleratzeko prozesua epaitegietan.

Autoglas-Glavista enpresako ELAko sail sindikalak oharra plazaratu du jakinarazteko konpainia une kritikoan sartuko dela aste honetan. Izan ere, enplegu-erregulazioko espedientea abiatuko du konkurtso-administratzaileak, bai enpresa ixteko zein 240 langileak kaleratzeko.

Horretarako merkataritza epaitegira joko du eta epaileek 30 egun emango dizkiete alde ezberdinei, akordioa lortu dezaten.

Mobilizazioak

ELAko ordezkarien ustez, egoera iraultzea zaila izango bada ere, ez dute amore emango azken unera arte. Hain zuzen, konpainia desagertzeko oraindik hilabete baino gehiago falta da, eta teorian, gutxienez, aukerak daude egoera konpontzeko.

Hori dela eta, herritarren babesa eskatu dute. Aurreikusi dituzten ekitaldien artean badaude Iñigo Gomez Parter Capitaleko abokatuaren bulegoen aurrean elkarretaratzea egitea (kapital funtsa erabat desagertuta dago) eta SPRIren egoitzaren edota Guardian multinazioanalaren aurrean protesta egitea.

Horrez gain, azaroaren 2an Eusko Legebiltzarrean hitza hartzea eskatuko dute eta egun berean eraikinaren aurrean ere bilduko dira.

Presio neurri eta ikusgarritasun horrekin, Glavistako langileek aldarrikatu nahi dute badagoela enpresarako etorkizun bideragarria eta Guardian multinazioaleko zuzendaritzak oztopatzen duela.

Erlazionatuak

Nork blokeatu du Autoglas-Glavistaren etorkizuna?

Txabi Alvarado Bañares 2023 ira 23 Laudio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide