Abasto plazako merkatariak Zubiko Kurajora mugituko dira obrek iraun bitartean

Aitor Aspuru Saez 2024ko mai. 15a, 07:30

Espazioa atontzen ari dira dagoeneko. / Aiaraldea.eus

Zubiko Kurajoko lokalean lanak hasi dituzte jadanik eta ahalik eta lasterren hartuko dituzte saltzaileak han.

Abasto plaza eraberritzeko lanek erronka berriari egin behar diote aurre: egungo merkatarientzako toki aproposa eskaintzea lanek irauten duten bitartean.

Udalak eta merkatariek adostu dute Zubiko Kurajoko lokal huts batean kokatuko direla azokan aritzen diren negozioak, eta obrak jadanik hasi dituzte espazio hori egokitzeko.

Berebizikoa ez dirudien arren, urratsa ezinbestekoa da Laudioko Udalak bere helburua bete dezan. Izan ere, Next Generation Funtsen dirulaguntza jasotzeko, urte amaieran obraren %60 amaituta egon beharko da eta, horretarako, lehenik eta behin, eraikina eraitsi behar dute, ezinezkoa dena merkatariak han dauden bitartean.

Gogoratu beharra dago proiektua 2,6 milioi eurokoa dela eta Europar Batasunak erdia baino gehiago hartuko lukela bere gain epeak betez gero. Horretarako bidea malkartsua izaten ari da. Iazko urrian Laudioko Udalak uste zuen dirulaguntza jasotzeko aukera itxita zegoela eta berezko bitartekoekin ekin zion proiektua egikaritzeari.

Parte hartze prozesua abiatu eta gero, eta egitasmoa berregituratuta, urtarrilean aurkeztu zuen lizitazioa Udalak eta handik gutxira jakin zuen erakundeak Next Generation Funtsak eskuratzeko atea irekita zegoela oraindik.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide