Egitasmo berria du esku artean Maria Francisca Mas Rierak otsaila eta martxoa bitartean garatzeko. Laudion finkatutako ikertzaile feministak eskalada eta generoa izan ditu aztergai azken urteetan, eta esparru horretan sakondu nahi du orain ere, kirola “begirada intersekzional batetik” ikertzeko.
Eskaladak “eraldaketarako tresna gisa” duen gaitasuna ikertu nahi du Mas Rierak, eta zortzi pertsonako talde bat osatu nahi du horretarako, “emakume eta identitate disidenteekin”.
Zehaztu duenez, gizon cis-ak ez diren 18 urtetik gorako pertsonak batu daitezke taldera. Bost saio egingo dituzte orotara, eta garraio gastuak ordainduko dizkiete parte hartzaileei. Interesdunak sare sozialen bidez jar daitezke harremanetan Mas Rierarekin.
Honakoa ez da ikertzaile mallorcarrak Laudioko Gardea auzoko gune autogestionatuan egingo duen lehen ekimena, Deporte desde los márgenes jardunaldiak antolatu baititu hainbat urtez.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
