37 urteko laudioar bat hil da lan istripu batean Larrabetzuko Euskopan enpresan

Erredakzioa
Gehitu gaitzazu Googlen
Deskargatu Info Ahotsak :

Ekainean mobilizazio jendetsua egon zen Vibrantzen gertatutako heriotza salatzeko. / Aiaraldea.eus

Euskopan konpainian ari zen beharrean aldi baterako laneko enpresa baten bitartez.

Laudiokoa da gaur goizean Larrabetzun gertatutako lan istripu traumatikoan hildako behargina, ETBk jakinarazi duenez. Euskopan elikagai enpresan ari zen lanean ezbeharra jazo denean, aldi baterako lanerako enpresa batekin. 

UGT sindikatuak eman du heriotzaren berri eta Osalani eskatu dio aztertzeko segurtasun neurri guztiak betetzen ote ziren. Oraindik ez dira heriotzaren nondik norakoak argitara atera. 

Hau ez da izan eskualdean aurten egon den lehen lan heriotza, ekainean Vibrantz enpresan zendu baitzen Laudioko beste langile bat. Iaz, aldiz, beste batek galdu zuen bizia Amurrioko Tubos Reunidos lantegian, altuera batetik erorita. Abenduan, ordea, kamioilari bat hil zen Laudion, istripu ez tramatiko batean. 

Horiekin eta gaurkoarekin, eskualdeko hogei behargin baino gehiago hil dira azken hamarkadan euren lanpostuan. 

Hego Euskal Herrian, aldiz, 63 behargin hil dira orotara aurten beharrean ari zirela.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide