Beste behin lortu du Ander Urquizak teniserako duen bertutea erakustea. Oraingoan, estatuko Champions Cup zirkuituaren baitan, Getxoko torneoa irabazi berri du, kadete kategorian.
Lehen partiduak ekainaren 21ean izan baziren ere, igande honetan lortu zuen garaipena Plentzia Tenis Klubeko eta Valentziako Elianiers taldeko jokalariak. Donostiako Pinter akademiako Marcos Aramayoren aurka jokatu zuen finala Urquizak eta 6-2 eta 6-1 irabazita eraman zuen garaikurra Okondora.
Handitzen eta handitzen doan palmaresa
Ez dira gutxi azkenaldian tenis-jokalari gazteak pilatu dituen lorpenak. Maiatza amaieran, Martiartu Openaren lehen edizioa irabazi zuen kadete kategorian; Euskadiko Txapelketaren txapeldunorde geratu zen ostean, Espainiako Txapelketan parte hartzeko aukera ere izan zuen, eta bera izan zen Euskadiko ordezkarien artean garaipenak lortu zituen bakarra.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
