Izaro Blanco Europako Kick Boxing txapeldun berria da

Partaidetza arrakastatsua izan du Izaro Blancok Montenegron. / FEKM

Gaur irabazi du urrezko domina Greziako ordezkariaren aurka eta sari kontinentala eskuratu du lehengo aldiz.

Azkenean lortu du. Europako zilarrezko Kick Boxing diziplinako domina eskuratu ostean 2019an eta munduko bigarren sailkatu eta gero 2018an, gaur Europako onena izatea lortu du Izaro Blancok Duvba hirian, Montenegron.

Laudion entrenatzen du orozkoarrak eta bere taldekideei mezua bidali die jasotako babesagatik: "Mila esker guztioi, Europako txapelketa Hajimerentzat". Iker Blancok, bere anaiak, Aiaraldea Komunikabideari jakinarazi dio oso pozik dagoela bere arreba: "Orain goian dago".

Finalari dagokionez, Izarok aurkari greziarra izan du arratsaldean WAKO txapelketaren 4. tatamian eta arazo barik gainditu du. Atzo Turkiako borrokalaria menperatu zuen eta aurretik italiarra izan zen galdu zuena orozkoarraren kontra.

Kick Boxing kategorian eskuratu du urrezko domina Aiaraldeko kirolariak eta arrakasta horrekin baztertu dezake Kick Light txapelketak utzitako zapore garratza. Izan ere, lehenengo kanporaketan bota zuten. Berez, gaztea nabarmen nagusitu zen eta 26 puntuko aldea izan zuen bere aurkariari zegokienez. Hala ere, Blancok berak aitortu zuen intentsitate gehiegi jarri ziola borrokari: "Hainbat aldiz bultzatu eta belaunarekin jo nuen. Horrenbestez, epaileek zigortu ninduten eta kanpoan geratu nintzen".

Erlazionatuak

Montenegron lehiatuko da bihartik aurrera Izaro Blanco, Europako Kick Boxing Light Txapelketan

Orozko

Izaro Blanco WAKO elkarteak antolatutako Europako Kick Boxing Light Txapelketan arituko da bihartik aurrera, azaroaren 15era arte. Sasoian eta pres...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide