2010. urtean Ganekogorta eta Jesuri mendietan parke eolikoa eraikitzeko baimena eman zuen Eusko Jaurlaritzak. Batetik, ostiralean, hitzaldia eskaini zuten Donibane aretoan; Orozkon zein Arabako beste zenbait tokitan kokatu nahi dituzten energia azpiegituren proiektuen berri emateko.
Igandean, berriz, "mendi martxa" antolatu zuten Zubiaur plazatik Jesuri tontorrera. "Orozko eta Laudiotik bi talde atera ginen", zehaztu dute sare sozialetan. Hala, Santa Marinan egin zuten hamaiketakoa. "Capital Energyk porlanez eta 200 metro luze duten dorrez bete nahi du Jesuri", salatu dute.
Orozkotik eta Laudiotik talde bana atera zen Jesurira, eta Santa Marinan elkartu ziren ondoren
Guztira 6 aerosorgailu jarri nahi dituzte Jesurin. Horretarako baimena eskatu zion Eusko Jaurlaritzari iragan abenduan enpresak. Gorobelen ere antzerako egitasmoa dago aurreikusita, ohartarazi dutenez.
Orozkoko proiektua 2010.urtean zabaldu zuten, baina etenda egon da geroztik. Ordukoan, 8 aerosorgailu jarri nahi zituzten Orozkoko tontorrean, baina proiektuak ez zuen aurrera egin. Herritar talde batek Jesuri eta Ganekogorta bizirik! plataforma sortu zuen, mobilizazio ugari egin zituzten, eta egitasmoaren aurkako mozioak onartu ziren eskualdeko udaletan.
Argazkiak: Arabako Mendiak Aske
