Asteazkenetik igandera egon da gazte orozkoarra Turkiako Munduko Kickboxing Txapelketan. Lehena izan zen Light Contact-en, eta Kick Light-en, aldiz, bigarren.
Izaro Blanco orozkoarrak jarraitzen du bere palmaresa handitzen. Iaz Europako Kickboxing txapelduna izan ostean Montenegron, maiatzaren 11n Istanbulera jo zuen Turkiako Munduko Txapelketan parte hartzeko. Blancok azpimarratu du WAKO zirkuituko hitzordu garrantzitsuena dela hori, Irish Openarekin batera: "10 ring, 11 tatami eta 4.000 izen emate baino gehiago egon dira".
Orozkoarrak bost borroka izan ditu guztira eta bere aurkariak turkiarrak izan dira norgehiagoka guztietan. Azkenean, bi domina eskuratu ditu, urrezkoa Light Contact diziplinan eta zilarrezkoa Kick Light-en. Gazteak eskertu nahi izan du Iker Blancoren, bere anaiaren, laguntza. "69 kilotik azpiko kategorian lehiatu zen, baina bere benetako eginkizuna zen ni entrenatzea, hautatzailearekin batera", azaldu du kirolariak.
Esan bezala, orozkoarrak lorpen ugari izan ditu azken urteotan, nahiz eta oso gaztea izan, eta nazioarteko hainbat txapelketetan aritu da jadanik.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
