Segovian lehiatu zen pasa den astean Espainiako Poney Txapelketa eta Arrietta Ruiz Goiri orozkoarrak seigarren jardunadian parte hartu zuen hezte klasikoko diziplinan.
Guztira, hiru proba bete behar izan zituen. Lehenengoan bosgarren postuan sailkatu zen %65,190ko markarekin. Bigarrenean, ordea, bigarren postura heldu zen %68,190ko emaitza lortuta. Azken proban %68,108ko markak ahalbidetu zion hirugarren izatea.
Lehenengo bi emaitzekin osatzen dira taldekako sailkapenak. Gauzak hala, Euskadiko Federazioak brontzezko domina erdietsi zuen Ruizen lanari zein Ane Quintanilla Arnaiz, Lucia Luna Garcia eta Alvaro Sanchez Galanek lortutako markei esker.
Azken emaitzarekin, ordea, bere kabuz gehitu zuen domina berria orozkoarrak, apurka osatzen ari den palmares zabalera. Izan ere, orozkoarrak garaikur ugari jaso ditu hezte klasikoan. Bere zaldia Esferico da eta senideek azpimarratu dute aurten Orozkoko Udalaren babesa izan dutela lehiatzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
