Gotzon Martin eta Ander Ganzabal arituko dira larunbatean Orozko Kriteriumean

Oihane Ozaeta Fernandez 2024ko aza. 12a, 07:00
Deskargatu Info Ahotsak :

2022ko edizioaren irudi bat. / Aiaraldea.eus

Eguerdiko 12:00etan abiatuko da proba, hiru txandatan banatuta.

Orozkoko Txirrindularitzak V. Orozko Kriteriuma antolatu du larunbat honetarako. Eguerdiko 12:00etan abiatuko da eta hiru txada izango ditu:

  1. Emakumeak: Elite eta Sub-23 zein profesionalak.
  2. Gizonezkoak: profesionalak.
  3. Profesional-ohiak. 

Hainbat txirrindularik parte hartuko dute, profesionalak zein txirrindulari historikoak, eta bertan egongo dira Gotzon Martin eta Ander Ganzabal Euskaltel Euskadiko profesional orozkoarrak, baita Hodei Muñoz luiaondoarra ere. Aipatu behar dira ere Olatz Camino eta Izaskun Bengoa.

Gotzon Martin eta Ander Ganzabal

Gotzon Martin 2018az geroztik da txirrindulari profesionala. Iaz Andaluziako Itzuliko bosgarren etapa irabazi zuen, eta duela urtebete Laudioar Txirrindularitza Elkarteko gazteek omenaldia egin zioten. Ander Ganzabalek, berriz, Euskal Federazioaren Euskaldun Txapelketa eta elite mailako Espainiako Txapelketa irabazi ditu aurten, besteak beste, eta bi urterako sinatu du Euskaltel taldean.

Aurreko garaiko izarrak eta egungo profesional gehiago

Tokikoak ez ezik, Omar Fraile eta Oscar Rodriguez Ineos taldeko txirrindulariak ere arituko dira, baita Gorka izagirre edota Lourdes Oyarbide ere. Profesional ohien artean aipatu beharra dago Iban Mayo, Joseba Beloki, Mikel Zarrabeitia, Joane Somarriba edota Igor Anton.

 

Kirola Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide