Gaur eguerdian Orozkoko jai euskaldunak aldarrikatzeko argazki kolektiboa egin dute Zubiaur plazan. 35 lagunek parte hartu dute ekimenean eta modu horretan Aiaraldeko Euskalgintza Kontseiluak eta Orozkoko Udalak berak babestutako Gora Aiaraldeko jai euskaldunak! egitasmoa babestu dute.
Iniziatiba horrek euskara ospakizunen erdigunean jarri nahi du eta eskualdeko hainbat tokiko erakundek egin dute bat.
Argazkia egin ondoren, udalbatzako ordezkariek pankarta udaletxeko balkoian eskegi dute, txupinazoa astelehenean izango baita.
Gogoratu beharra dago aurtengo txupineroak herriko Berbalagun taldeko kideak izango direla.
Jaietan presente egongo den beste aldagai bat berdintasuna izango da eta Udalak eskumuturreko moreak sortu ditu indarkeria matxistaren kontra. Orozko Museoan eskuratu daitezke jadanik.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
