aiaraldea.eus

Otxomaioak pizteko prest dago Urduña

Erabiltzailearen aurpegia Erredakzioa   Kultura  Urduña

Aiaraldea hedabideak web-gune berezia atondu du jaien jarraipena egiteko.

Otxomaioak pizteko prest dago Urduña
Gaur izango da txupinazoa. / Aiaraldea.eus | Ikusi handiago | Argazki originala

Gaur -maiatzak 3- hasiko dira Urduñako otxomaioak. Gaueko bederatzietan piztuko da jaiei hasiera emateko suziria. Juana Santiago Cordovilla txurro saltzailea arduratuko da horretaz, bera izendatu baitute txupinero. Urduñako Abesbatzako kideek, aldiz, pregoia irakurriko dute.
Hamar egunez luzatuko da jai giroa hirian. Dozenaka ekintzaz gozatzeko aukera egongo da, udalak hainbat elkarte eta norbanakorekin osatutako egitarauarekin.

Musika eskaintza oparoa
Musika eskaitzak protagonismo handia izango du. Maiatzaren 4an musika elektronikoa izango danagusi, DJ Festa egongo baita. Maiatzaren 10ean, ordea, punk doinuek hartuko dute Foru plaza, Voltium, GBH eta Feos Pero Majos taldeekin. Hurrengo egunean, aldiz, Hesian taldeak joko du, besteak beste.

Kontzertuak soilik ez, umeentzako ekintza ugari egongo dira baita. Jarduera gehienak hilaren 9an egingo dira, Umeen egunean, hain zuzen. Pirritx, Porrotx eta Marimotots gerturatuko dira hirira. Egitarau osoa hemen ikusi daiteke.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa