Hartzekodunen aurrelehiaketan sartu berri da Glavista enpresa, eta arriskuan jarri du Laudioko Autoglas lantegiko 240 langileren etorkizuna, Valentzia eta Alemaniako beste bi fabrikekin batera. Testuinguru horretan, langileek mobilizatzeari ekin zioten iragan urtarrilaren 20an.
Atzo Espainiako Diputatuen Kongresura egin zuen jauzi Laudioko lantegiko beharginen borrokak. Oskar Matute EH Bilduko diputatuak presente izan zituen Glavistako langileak Madrilgo tribunatik egindako hitzartzean. "Langile klasearen aurkako etengabeko adibideetako" bat bezala definitu zuen Matutek Laudioko langileen egoera, desberdintasun sozialak salatzea helburu zuen hitzaldian.
Parter Capitalen papera ere salatu zuen Matutek Diputatuen Kongresutik. Gaur egun Glavistarenak diren hiru lantegiak Guardian multinazionalari erosi zizkion Parter Capital Group inbertsio talde suitzarrak 2020an. "Espainiako Audientzia Nazionalagatik ikertua izaten ari den funts putrea da Parter Capital" azaldu zuen EH Bilduko diputatuak.
@OskarMatute lleva al Congreso la movilización de la plantilla de Autoglas en Laudio ante la amenaza de despido de 250 trabajadores por la venta de una división a un fondo buitre.
— EH Bildu Congreso - Senado (@EHBilduCongreso) January 24, 2023
«Si la desigualdad es estructural, las medidas deben de ser permanentes hasta reducirla a cero». pic.twitter.com/jdyz19PuX0
Tubacexeko greba mugagabean ere, elkartasun keinu ugari eskaini zizkien diputatu abertzaleak Aiaraldeko langileei, eta Amurrioko piketean ere egon zen.
Mobilizazioekin aurrera
Bien bitartean borrokan, jarraitzen dute Laudioko 240 beharginek. Enpresa Batzordeak bilera egingo du gaur Ander Añibarro alkatearekin, eta Laudioko fabrikako zuzendaritzarekin eta Parter Capitalekin elkartzeko asmoa dute ere.
Ostiralean, aldiz, elkarretaratzea deitu dute Guardian eta Autoglas fabriken sarreran, "enpresaren etorkizunaren defentsan".