GARRAIO PUBLIKOA

Irailaren 14an ere bost tren zerbitzu kenduko ditu Renfek C-3 linean

Aitor Aspuru Saez 2023ko ira. 13a, 20:38
Deskargatu Info Ahotsak :

Itxaronaldiak nabarmen luzatu daitezke bihar ere. / Aiaraldea.eus

Gaur hamabi tren zerbitzu bertan behera utzi ondoren, bihar ere murrizketak iragarri ditu enpresak.

Atzo hamabi zerbitzu kendu ostean, arrazoi operatiboak direla medio, gaur ere egoera errepikatuko dela adierazi du Renfek. Horretarako tren geltokietan bozgorailuen bidez emititu ditu mezuak. Zehazki, Bilborekin lotura duten tren linea guztietan nabarituko da eragina.

Iturri sindikalek leporatu diote enpresari gezurretan aritzea: "Ez da arazo operatiborik, gakoa da gidaririk ez dagoela eta 18 sart behar direla urrian".

Beharginen aholkua izan da aldiriko aplikazioa deskargatzea eta  begiratzea avisos atala.

Tresna horren bidez jakinarazi dituzte kenduko dituzten zerbitzuak:

  • 09:21 Urduña-Bilbo
  • 11:05 Bilbo-Urduña
  • 12:41 Urduña-Bilbo
  • 13:47 Bilbo-Laudio
  • 14:19 Laudio-Bilbo

Etengabeko arazoak

C-3 linean bidaiarien haserrea eta ezinegona aspaldi piztu zen. Izan ere, atzerapenak, matxurak (udan aire girotuak hainbat aldiz egin du kale), gidarien falta, zerbitzuak kentzea eta arazoak, oro har, ohikoak bilakatu dira.

Horrez gain, Urduña eta Amurrion egindako lanen ondorioz, arazoak sakondu ziren maiatzetik aurrera. Eta aintzat hartu beharra dago sindikatuek eurek :salatu dutela bitartekoak murriztu direla 2020tik hona.

Jendartea

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide