Inoiz jaso duen gas eta petroliorako tutu eskari handiena eskuratu du Tubacexek, multinazionalak berak jakinarazi duenez. Enpresa-taldeak ez du zehaztu nork egin duen eskaera, ezta kopurua zenbatekoa den ere, baina ziurtatu du hodi horiek guztiek egiten lana izango dutela 2026ra arte, eta Austria eta Aiaraldeko lantegiak arduratuko direla horretaz. "Bertako instalazio aurreratuak erabiliko dituzte bezeroaren estandar tekniko zorrotzak betetzeko", zehaztu dute.
Jesus Esmoris zuzendariaren aburuz, "nabarmena" da Tubacexek "baldintza tekniko konplexuei aurre egiteko duen gaitasuna", eta horrek "konfiantzazko bazkide gisa" kokatzen du konpainia, "olio eta gasaren industrian".
Modu horretan, 1.600 milioi euro baino gehiagotan baloratutako eskariak ditu egiteke Tubacexek, etorkizun ekonomiko oparoa aurreikusten duenaren seinale. Oso atzean geratu dira 2021eko garaiak, zeinetan Tubacexek argudiatzen zuen 150 langileren kostua kentzea beharrezkoa zela eskualdeko lantegien etorkizuna bermatzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
