Bihar ere greba eguna deitu du SEMAF sindikatuak. Tren gidariak biltzen dituen erakundeak mobilizazio oso eraginkorrak burutu ditu Urdako istripu lazgarriaren ondoren eta bihar ere lanuztea egingo dute, pasa den astean bi egin ondoren.
Berez, Eusko Jaurlaritzak jakinarazi du %50eko zerbitzua bermatuko dutela ordu puntetan (06:00-09:00 / 13:30-15:30 / 18:30-20:30) eta %25ekoa gainerakoetan. Printzipioz, honako hau izango da erabiltzaileek eskura izango duten ordutegia:

Jaurlaritzaren aurreikuspenak, momentuz, pasa den astean Espainiako Gobernuak egindakoak baino nabarmen errealistagoak dira. Berez, pasa den astean %75eko eta %50eko gutxieneko zerbitzuak bermatu nahi zituen Madrilek eta ez ziren inondik inora bete Aiaraldean.
Biharko greba eguna igarota, gogoratu beharra dago hurrengo astean, hilaren 23an, beste deialdi bat gehiago dutela gidariek, pasa den ostegunean egin behar zutenaren ordez. Izan ere, sektoreak positibotzat jo ditu Gobernuak onartu dituen neurriak, baina gehiago exijitu ditu.