Tubos Reunidos enpresako langileek ontzat jo dute sindikatuen gehiengoak proposatutako azken aurreakordioa

Aitor Aspuru Saez 2022ko martxoaren 4a
Deskargatu Info Ahotsak :

Aurreko akordioa bertan behera utzi ostean, pasa den astekoa onartu dute Tubos Reunidos enpresako langileek.

Beharginek onartu duten aurreakordioa azken urteetako KPIko igoerara mugatzen da; oraindik enpresa eta alde sozialaren arteko negoziazio garrantzitsuena egin behar da: hitzarmen kolektiboa.

Pasa den astean LAB, UGT eta CCOO sindikatuek bigarren aurreakordio bat sinatu zuten Tubos Reunidos enpresako zuzendaritzarekin, 2017an hitzarmen kolektiboaren iraungitzearen ondorioz pilatutako atzerapenak jasotzeko. 

Aste honetan proposamena langileei aurkeztu diete sindikatuek, martxoaren 1ean hain zuzen. Horren ostean, bozkatzeari ekin diote beharginek eta emaitzak hurrengoak izan dira:

  • Alde: 405
  • Kontra: 210
  • Zuri: 3
  • Baliogabeak: 3

Horrenbestez, sindikatuen gehiengoak adostutakoa sinatuko da hurrengo astean, onartua izan baita langileen aldetik.

Hiru sindikatu horiek beste aurreakordio bat adostu zuten zuzendaritzarekin otsailaren 10ean, baina Tubos Reunidos enpresako beharginen gehiengoak atzera bota zuen.  Bi bozkaketetan bai ELAk zein ESKk kontrako iritzia izan dute akordioari dagokienez.

Edonola ere, maiatzetik aurrera sindikatuek erronka berria izango dute mahai gainean: lan hitzarmena negoziatzeari ekin beharko diote, 2017an iraungi baitzen aurrekoa. 

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide