Atzo 16:20ak aldera 112 larrialdi telefonoak deia jaso zuen, Amurrion gertatutako lan istripuaren ondorioz. Ertzaintzak azaldu duenez, basoan lanean ari ziren bi behargin eta horietako bat eroritako zuhaitz baten azpian geratu zen harrapatuta.
Larrialdi zerbitzu ugari mobilizatu zituzten ezbeharrari aurre egiteko, gaua heltzear baitzegoen. Poliziaren erreskate unitateak, suhiltzaileek, Osakidetzako mediku batek eta Babes Zibilak hartu zuten bere gain artatzea.
Amurrio, ayer
— Gorka 5.81 (@gorka581) December 23, 2025
Rescate de operario forestal accidentado
Debido a la dificultad del terreno se embarcó en helo @ertzaintzaEJGV manteniendo vuelo estacionario a un metro del suelo. Actuaron T-0 @osakidetzaEJGV, @BomberosAraba y patrullas
Traslado a @OSIEECruces
📹 @UvrErtzaintza pic.twitter.com/kPqP3GQuos
Lehenik eta behin, zauritua egonkortu zuten eta gero helikopteroan sartu zuten, Gurutzetako ospitalera eramateko. Ertzaintzaren helikopteroak, berez, ez zuen lurra hartu eta zorutik metro batera egon zen operazioak iraun bitartean. Poliziak ez daki langilearen osasun egoera zein den.
Istripu ugari urtearen azken hilabeteetan
Tamalez, ez da atzokoa izan urte amaierako azken hilabeteetan gertatutako istripu bakarra. Larriena Tubos Reunidos enpresan jazo zen maiatzan, behargin bat hil baitzen erorketa batek eragindako zauriengatik. Antzeko gertakaria, baina ez hilgarria, egon da berriki Kiderren.
Azaroan ere Castinoxen langile baten eskua harrapatu zuen makina batek eta urrian deskarga elektrikoa jaso zuen beste behargin batek Orozkon.
2020an langile bat hil zen Aiarako mendietan
Atzokoa ez da izan Aiarako mendietan gertatutako lan istripu larri bakarra azken urteotan. Izan ere, 2020an behargin bat zendu zen antzeko ezbeharraren ondorioz.
Izan ere, pinu bat erori zitzaion gainean langileari. Gogoratu beharra dago egun horietan itxialdia indarrean zegoela pandemiagatik, baina etxetik kanpo zenbait lan egiteko aukera ireki zuela Gobernuak.