Abuztuaren 14tik 20ra ospatuko dira Arrankudiagako Andra Mari jaiak. Egitaraua plazaratu dute dagoeneko. Jai batzordeko kideek adierazi dute aurten “goiz eta gogotsu” ekin diotela ekintzak zehazteari. “Urtarrilaren 31an egin genuen lehen bilera. Aurtengo egutegia ikusi ostean, jai batzordeko kideontzat egokienak diren datak zehaztu genituen”. Modu horretan erabaki zuten “data tradizionaletara” itzultzea.
Azaldu dutenez, hamar pertsona inguru biltzen dira jai batzordean. “Hilean behin egiten ditugu bilerak, eta aurten 3 kide berri hurbildu dira”. “Guztien inplikazioa” beharrezkoa dela nabarmendu dute, “pertsona askoren lan boluntarioari esker” ateratzen direlako jaiak aurrera.
Egitarauari dagokionez, “herritar guztientzako ekintzak” antolatzen ahalegindu direla nabarmendu dute batzordeko kideek.
Emakume sarea pregoilari
Arrankudiaga-Zollon sortu berri den emakume sarea arduratu da abuztuaren 14an pregoia irakurri eta jaien hasiera suziria pizteaz.
Jai Batzordearen aburuz, festak ez dira “jendartetik kanpo dauden gune isolatuak”. “Eduki sinbolikoa duten jendarte eta kultur adierazpenak dira, errealitatearen adierazle kondentsatuak, gizartean ematen diren gatazka, zapalkuntza eta diskriminazioak adierazten dituzte, hegemonikoak diren genero eredua eta heteroarau indartuz”.
Horren aurrean mugimendu feministak eginiko lana nabarmendu dute batzordeko kideek, eta horregatik erabaki dute emakume sarearen lana aitortzea, “asko daukatelako esateko eta oihukatzeko”.
EGITARAU OSOA
ABUZTUAK 14, ASTEARTEA: BEZPERA
17:30 // Kamisetak banatzea
18:00 // XXX. Marmitako Lehiaketa
Parte hartzeko izena eman beharko da 18:00etatik 18:30era bitartean.
19:30 // XXI. Tortilla Txapelketa
0 eta 20 urte bitarteko herritarrei zuzendutako lehiaketa izango da.
20:15 // Txupinazoa
22:30 // Mariskal DJ
ABUZTUAK 15, ASTEAZKENA: ANDRA MARI
10:30 // Diana
11:00 // Meza
12:00 // Altxorraren bila
Matxinkorta mendi taldearen eskutik
19:00 // Pilota partidak
Kamaraka elkartearen eskutik, frontoian
20:30 // Jaialdia
Herriko musika eskolan
ABUZTUAK 16, OSTEGUNA
12:00 // Umeen pintxo lehiaketa
Matxinkorta mendi taldearen eskutik Matxinkorta mendi taldearen eskutik Matxinkorta mendi taldearen eskutik Matxinkorta mendi taldearen eskutik
14:30 // Bazkaria
Matxinkorta mendi taldearen eskutik Matxinkorta mendi taldearen eskutik Matxinkorta mendi taldearen eskutik Matxinkorta mendi taldearen eskutik
16:00 // Bingoa
20:00 // Pintxopotea
22:00 // DJa
ABUZTUAK 17, OSTIRALA: GAZTE EGUNA
12:00 // Hitzaldia, Gaztetxean
13:00 // Poteoa
15:00 // Bazkaria Gaztetxean
Bazkalostean Ugaoko Osterabe talde akustikoak joko du, hainbat abesti ezagunen bertsioak plazaratuaz.
19:30 // Eskupilota finala
22:00 // Kontzertuak Gaztetxean
HILEAN BARIKU BAT
TALDE SORPRESA
ABUZTUAK 18, LARUNBATA: UMEEN EGUNA
11:30 // Kalejira, Garondotik Elexaldera
12:00 // Umeentzako jolas parkea, Elexalden
14:30 // Umeen bazkaria
Bazkarirako izenak emateko zerrendak jarriko dira Agirre tabernan, Elexondo tabernan, Iberlanda tabernan, Batzokian eta Gizarte Etxean. Abuztuaren 10a izango da izena emateko azken eguna.
16:30 // Aparra botako da umeentzat, Garondon
17:30 // Boloak: Umeen tirada
18:30 // Boloak: Nagusien tirada. J.I. Larrazabalen III. oroimenezkoa
19:00 // Diskotxantxa
Xiriki eta Milikik dantza jarriko dute plaza, hainbat kanta ezagunen koreografiak taularatuta. Ume zein familiei zuzendutako ikuskizuna izango da.
21:30 // Kanpamentukoen ekitaldia, frontoian
ABUZTUAK 19: KOFRADIA EGUNA
10:30 // Diana
11:00 // Meza
12:00 // Txakolin dastatzea eta azoka
12:30 // Goool!, umeen saioa
13:30 // Kontzentrazioa: “Euskal presoak Euskal Herrira”
14:00 // Umeen kofradia bazkaria
14:30 // Kofradia bazkaria elizaren atarian
Txartelak Agirre tabernan, Elexondo tabernan, Iberlanda tabernan, Batzokian, Ekilore dendan eta Gizarte Etxean jarriko dira salgai
16:30 // Kantuak Joxe Mendizabalekin
17:00 // Mus Txapelketa
19:30 // Goool!, helduen saioa
ABUZTUAK 20, BERAKATZ EGUNA
19:00 // Pilota partiduak
20:30 // Odolosteak afaltzea herriko tabernetan
Auzolanean eginiko 1.000 odoloste inguru zerbitzatuko dira, 200 kilo odolki baliatuta.
20:30 // Kontzertuak
HESIAN
INGO AL DEU?
Bere zazpi diskoetako abestiak taularatuko Hesian talde nafarrak. Ingo al deu? erromeriak, aldiz, makina bat abesti ezagunen bertsioak plazaratuko ditu.
5:00 // Berakatz zopa eta jaien amaiera
