Haurrekin batera antolatuko dugu Tertangako egonaldia. Guk espazioa eskainiko diegu haurrei eta beraiek izango dira asteburu pasaren gidariak. Horretarako irailaren 6an arratsaldez saio bat egingo dugu haurrekin dena prestatzeko.
Ahalduntzea, autonomia, elkarlana eta errespetua izango dira proiektuaren oinarri eta euskara izango dugu ardatz.
Haurrek programazioaren ardura hartzeaz gain, elkarbizitza ohiturak adostuko dituzte, garbiketa egingo dute, otorduak prestatuko dituzte... Beraiek izango dira asteburuaren arduradunak, jakina bidelagunen laguntzarekin.
ORDUTEGIA: Irailaren 13an 17:00etan bilduko gara TERTANGAN eta irailaren 15ean 18:00etan amaituko dugu (Tertangara joatea eta bueltatzea nork bere kabuz egin beharko du).
Irailaren 6an 18:00etatik 19:30ak arte egonaldien antolakuntzarako bilera egingo dugu haurrekin.
TOKIA: TERTANGAKO ATERPETXEA
DATAK: 2019ko irailaren 13tik 15era (Antolakuntza irailaren 6an)
ADINAK: 4 urtetatik (2015an jaiotakoak) 12 urtetara (2007an jaiotakoak)
PREZIOA:
BAZKIDEAK(*): 100 €
EZ-BAZKIDEAK: 120 €
Izena emateko azken eguna irailaren 1a
Izen ematea egiterakoan ordainketa egiteko bidea azalduko da.
Leku mugatuak daude eta izen emate ordenaren arabera gordeko dira plazak
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
