Akelarre eta Itxarkundiarekin indarrak batu ditu Korrontzik

Txabi Alvarado Bañares 2026ko maiatzaren 18a
Deskargatu Info Ahotsak :

Emanaldia eskaini du folk musika talde ezagunak Laudioko bi dantza taldeekin. 

Kontzertua eskaini zuen Korrontzik atzo arratsaldean Laudioko Herriko plazan, baina folk taldeko kideak ez ziren bakarrik igo oholtzara. Ohikoan eurekin dabilen Oinkari dantza taldeaz gain, Akelarre eta Itxarkundiako kideak ere batu ziren ikuskizunera, ehunka ikusle erakarriz. 

Honakoa ez da Korrontzik eskualdean eskaintzen duen mota honetako lehen emanaldia. Lehena duela hamar urte eskaini zuen, Aiara Dantza Taldearekin batera. 2018an Itxarkundiarekin aritu zen, eta 2022an Laudioko gainontzeko taldeak ere batu ziren ikuskizunera. Urte bereko udazkenean itzuli zen taldea udalerrira, atzoko bi dantza taldeekin aritzera berriz. 2024an, aldiz, Aiara Dantza Taldearekin egon zen berriz udaberrian, eta Urduñako Erauntsi taldearekin udazkenean.  

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide