Furgoneta bat erre da gauean Okondon eta Ertzaintza ikertzen ari da erasoa izan ote den

Aitor Aspuru Saez 2022ko api. 14a, 11:11
Deskargatu Info Ahotsak :

Garrek alboko eraikinaren porlana txikitu dute, irudian sumatu daitekeen moduan./ Aiaraldea.eus

Basauri Industria Poligonoan agertu da gaur goizean erreta ibilgailua eta Ertzaintza ikertzen ari da zerk eragin dituen kalteak.

Atzo gauean, 22:45ak aldera, hartu zuen sua furgonetak eta guztiz kiskali da. Basauri Industria Poligonoaren barruko kale batean izan da sutea, eta Ertzaintza ikertzen ari da norbaiten erasoaren ondorioa izan ote den.

Goizean pare bat patruila bertaratu dira; eta, nahiz eta tokia ez itxi, ez diote utzi jendeari hurbiltzen, unitate zientifikoaren zain baitaude. Ertzaintzaren talde horrek aztertuko ditu ingurunueak eta ibilgailua bera, frogen bila. Hortaz, ikerketa abian da.

Sua Okondon, istripuak eta erasoak

Gogoratu beharra dago martxoaren amaieran hiru okondoar hil zirela euren baserrian gertatutako sutearen ondorioz,

Tragedia horrek udalerria astindu zuen, eta herriak hiru eguneko dolua egin zuen.

Kalte pertsonalik sortu gabe, 2020an Batzokiak ere su hartu zuen.

Hala ere, hainbat urtez erasoak gertatu ziren herrian -etxolak, etxebizitzak...-, eta zenbait etxe erre zituzten tarte horretan. Azkenean, Ertzaintzak 2014an  herritar bat atxilotu zuen ekintza horiek egotzita.

Jendartea Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!