Ione Basterra omentzeko lasterketak goiz osoa hartuko du bihar

Aitor Aspuru Saez 2021eko uztailaren 3a

Ione Basterrak hainbat lasterketetan parte hartu zuen bere bizitzan zehar, handbike diziplinan.

100 kirolarik eman dute izena eta horien artean munduko 4 txapeldun daude. Triziklo, handbike eta tandem zein bizikleta diziplinak landuko dira.

Bizkaiko Paracycling Biraren XXII. edizioa bihar helduko da Orozkora Ione Basterra kirolaria omentzeko. Gaztea 2019an zendu zen eta nazioarteko lasterketako protagonista izango da.

Puntako txirrindulariak arituko dira lehian. 100 lagunek eman dute izena guztira eta munduko 4 txapeldun daude euren artean, proba puntuagarria baita Europako Koparako. Ione Basterrak berak parte hartu zuen 2013tik aurrera edizio guztietan.

Berez, hitzordua 09:30ean hasiko da trizikloen erlojupekoarekin. 10:30ean 45 kilometroko handbike ibilbidea abiatuko dute eta 12:45ean tandem eta txirrindulen lasterketa izango da. Sari banaketarekin batera egingo dute Ione Basterraren omenaldia, 13:45etatik aurrera.

Ione Basterra eta Iñaki Isasi txirrindulariekin Aiaraldea Komunikabideak antolatutako solasaldia, hemen ikusgai:

Kirola Orozko

Erlazionatuak

[OMENALDIA] Ioneren irribarrea

Rakel Salgado 2019 abe 30 Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide