Sakana kuadrilla sortu berriko Julene Urkijo arduratu da pregoia irakurri eta suziria pizteaz.
Berezia izan da Luiaondoko jaien hasiera. Orain arte Gaztedi Berriako kideak arduratu dira pregoia irakurri eta suziria pizteaz, baina aurten talde berri bat batu da jaietako ekosistemara: Sakana kuadrilla. Bertako kidea den Julene Urkijo izendatu dute Jaietako dama eta, ondorioz, bera arduratu da madalenei hasiera emateaz.
Kuadrilla berria jendaurrean aurkezteko baliatu du Urkijok bere hitzartzea, baina ez horretarako bakarrik. Tarte bat hartu du Luiaondoko Administrazio Batzarreko kideei eskerrak emateko, eta aipamen berezia egin die Maite Alonso de la Vallinari eta Joseba Mirasi, "herriaren alde egiten duten lanagatik". Izan ere, bi kideek aurten utziko dute administrazio batzarra.
Horrez gain, Urkijok nabarmendu du jaietan ez dutela onartuko "eraso sexista, homofobo, arrazista ezta faxistarik".
Datorren asteartera arte luzatuko dira ospakizunak Luiaondon, makina bat ekintzekin. Hemen ikusi daiteke egitarau osoa.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
