GARRAIO PUBLIKOA

Eguerdirako beste 4 tren zerbitzu kendu ditu Renfek

Aitor Aspuru Saez 2021ko mar. 15a, 10:20
Deskargatu Info Ahotsak :

Erabiltzaileek zerbitzu gutxiago izango dituzte gaur Renfen. / Aiaraldea.eus

Jadanik 8 tren zerbitzu utzi ditu bertan behera garraio publikoko enpresak, goizeko lehen orduan 4 trenek ez baitute bere ibilbidea egin. Arazo teknikoak argudiatu dituzte.

Renfe enpresak jakinarazpen berria egin du eta, horren arabera, beste 4 tren gutxiago egongo dira gaur C-3 tren-linean. Zehazki, eguerdikoak dira guztiak, hau da, eragina izango dute jendea lanera edo ikastera joatean edota etxera itzultzean.

Hurrengoak dira kenduko diren zerbitzuak:

  • Abando-Laudio: 13:25
  • Laudio-Abando: 13:59
  • Abando-Laudio: 14:25
  • Laudio-Abando: 14:59

Asteburuan bezala, Renfek bere twitter kontua baliatu du iragarpena egiteko:

Esan bezala, horiek ez dira gaur bertan behera utzi dituzten zerbitzua bakarrak, goizeko lehen orduan beste hainbeste ez baitira eskaini. Horri gehitu behar zaio ibilbidean zehar aurreikusi gabeko geldialdi laburrak egiten dituztela trenek, atzerapen txikiak sortzen dituztenak.

Arazo teknikoak, arazo kronikoak

Ikasturte hasieran nabarmen ugaritu ziren garraio publikoari lotutako gertakariak, kexak eta udalek Renferekin hitz egin zuten egoera konpontzeko, pandemia aurretik zeuden ordutegiak berriro ezartzeko. Horrez gain, langileek eurek salatu zuten prekarizazio eta pribatizazio saiakera dagoela atzerapenen atzean.

Jendartea
Erlazionatuak
Renfek lau tren zerbitzu kenduko ditu bihar goizeko lehen orduan
Renfek lau tren zerbitzu kenduko ditu bihar goizeko lehen orduan

Aitor Aspuru Saez 2021 mar 14 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide