Amurrioko Udalak ez du sorgin panpinarik erreko aurten

Txabi Alvarado Bañares 2018ko eka. 22a, 15:09
Virgen Niñako ikasleek osatu dute bihar erreko den figura. / Amurrioko Udala

Virgen Niñako ikasleek prestatu dute erreko den irudia. Hainbat kontzeptu barnebiltzen ditu: urritasuna, alferkeria, beldurra... “Gure bizitzan egotea nahi ez dugun guztia sutan erretzea irudikatu nahi dugu” adierazi du udalak.

Amurrioko Udalak ez du sorgin baten panpina erreko bihar Urrutia Jauregiko landan egingo den jaian. Virgen Niña ikastetxeko ikasleak arduratu dira aurten erreko den irudia egiteaz. Hainbat kutxaz osatutako figura da, kontzeptu ugari barnebiltzen dituena: urritasuna, alferkeria, beldurra... “Gure bizitzan egotea nahi ez dugun guztia sutan erretzea irudikatu nahi dugu” adierazi du tokiko erakundeak.

Iaz tira-bira ugari egon ziren sorgin baten figuraren erreketa dela eta. Otsemeak taldeko kideek irudia lapurtu zuten. “Ez dugu onartuko beste urte batez ere sorginak, emakumeak, herritarron aurrean inkisizioaren garaietan bezala plaza erdian erretzea”, adierazi zuten sare sozialen bidez zabaldutako mezuan. Hala ere, panpina ordu batzuk beranduago itzuli zuten, eta azkenean erre egin zuten, egitarauan zehaztu bezala.

Gertaerak hautsak harrotu zituen Amurrion eta talde feministak agerraldia egin zuen ekimena azaltzeko:

“Sorgin eguna”
Otsemeak taldeak egitarau propioa atondu du biharko. 11:00etan parkean bilduko dira sormen gunea, idazteko txokoa eta tailerrak atontzeko. Poteo musikatua egingo dute gero herritik, eta “sorgin bazkaria” egingo dute gero. Ilargiak talde akustikoak joko du bazkalostean, eta 22:30ean Akelarrea egingo dute, parkean.

Beste herrietan
Eskualdeko beste herrietan ere badago udako solstizioko suetan figurak erretzeko ohitura. Deigarria da Arakaldoko kasua. Esparteroren panpina erretzen dute bertan urtero, jeneral horren aginduz eman baitzioten su herriari Lehen Gerra Karlistan.

Laudion ere mantentzen da sorgin baten figura erretzeko ohitura. Ez da udako solstizioaren bueltan izaten,  Aratusteen harira baizik, otsailean:

 

Kultura Amurrio
Erlazionatuak
Komunitatea
[INKESTA] Udako solstizioan sorginak erretzea ondo iruditzen al zaizu?

Erabiltzailearen aurpegia admin 2018 eka 20 Aiaraldea

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide