Ander Añibarro Maestre izango da Laudioko EAJren alkategaia datorren urteko maiatzeko udal-hauteskundeetan. Erizaintza ikasketak burututakoa da Añibarro Euskal Herriko Unibertsitatean. Horrez gain, EAJ alderdiko zinegotzia izan da azken legealdian Laudioko Udalean. Bestelako kargu publikoak ere bete ditu, hain zuzen ere, Aiarako Kuadrillako lehendakaria izan zen 2015-2017 bitarte. Eusko Jaurlaritzan Gazteria, Lana eta Politika Sozialen saileko zuzendaria izan da ere.
Hainbat administrazioetan egindako ibilbide luze hori izan da, hain zuzen ere, EAJk zerrendaburua hautatzeko kontuan hartu duen balioetako bat. “Berriro ere Laudio Arabako erreferente bilakatzea” izango da Añibarroren helburu nagusia alkatetza lortzekotan. “Azken urtetako gestioak herria egoera zail batean jarri duela” azpimarratu du hautagai jeltzaleak.
Hautagai zerrenda osatzeke
Udal-hauteskundeetarako zerrendaburua aurkeztu du bakarrik Laudioko EAJk, zerrendak osatu gabe dituztelako oraindik. Gainerako hautagaiak zehazteko prozesua irekiko du gaurdanik alderdiak militantzia jeltzalearen parte hartzearekin.