Abenduaren 12an 14:00etatik 15:30ak arte informazio praktikoz osatutako ikastaroa eskainiko dute autonomoentzat eta enpresa ertain eta txikientzat, optimizatu dezaten zergen ordainketa. Zehazki, ekintza bideratuko dute jarduera fiskalaren itxierara. Erabilera anitzeko udal aretoan izango da.
Berdintasun Udal Zerbitzuak aholkularitza eskainiko du opari askoren izaera sexista identifikatzeko eta bestelako artikuluak ezagutzeko, Gabonak berehala hasiko dira eta. Gurasoak zein jende oro gonbidatu nahi dituzte abenduaren 12an egingo den saiora. Udal liburutegian izango da 17:30etatik 20:30ak arte.
Gabonetako sukaldaritza ikastaroak abenduaren 11n, 12an eta 13an (astearte, asteazken eta osteguna) 18:00etan Zubiko Etxean, Karrika Jatetxeko sukaldariaren eskutik. Emakumearen Sustapenerako Solastiar Elkarteak antolatutako ekintza.
“Floro Urkijo Margolaritza Elkarteak” eskainiko du erakusketa abenduan. Inaugurazioa izango da azaroaren 30ean, ostirala, eta abenduaren 15era arte egongo da ikusgai 18:00etatik 20:00ak arte egunero, salbu jai egunak, Kultura Etxean.
Etxerat elkarteak antolatuko du “Dispertsioaren aurpegiak” argazki erakusketa abenduaren 10etik 15era bitartean. Kultura Etxeko Aldaikoerreka gelan egongo da.