Gizonezkoen 34 edizio eta gero, emakumeen I. Aiarako bira antolatuko dute uztailaren 27an eta 28an, kadete eta junior mailetako neskei zuzendua. Eskualdean txirrindularitzan aritu ziren emakume aitzindariak omentzeko aprobetxatu nahi dute bira. Horien artean Izaskun Bengoa, hainbat modalitatetako Espainiako txapelduna eta Atlanta 1996ko Olinpiar Jokoetan lehiatu zena. Lehenengo etapa: Orozko-Laudio. Uztailaren 27an, 16:00retan. Bigarren etapa: Amurrio-Amurrio. Uztailaren 28an, 10:30etan. Informazio guztia, hemen.