Kudea Go aplikazioa erabiltzeko nondik norakoak eskaini baino lehen, gaur badago Aiaran bestelako bilera informatiboa, Udalak berak deitutakoa. Hain zuzen, 18:00etan Luiaondoko ludotekan egingo duten batzar horretan udalerrian zenbait enpresek bultzatu dituzten energia berriztagarriei lotutako proiektuak azalduko dituzte.
Izan ere, "Markixanan energia biltegiratzeko bateriak ekoizteko eta energia eolikoa bultzatzeko proiektuak -Ferosca I eta Las Americas 20- daude Aiaran eta uste dugu herritarrek ezagutu behar dituztela", aipatu du Karmele Poblacion zinegotziak.
Horrez gain, 2023an Energia Berriztagarrien Sektore Planari egindako helegiteen erantzunen berri ere emango du Udalak, egoera orokorraren irudia izan dezaten aiararrek.
Poblacionek berak erantsi du Udalak aldarrikatuko duela energia beharren diagnosia egin behar dela, lehenik eta behin, eta gero hori asetzeko plan bat, proiektuak ordenatzeko. "Ez orain gertatzen ari dena, proiektuak agertzen dira etengabe eta ez dakigu zertarako", aipatu du zinegotziak.