Kosmai Kosin taldeak apirilean plazaratu zuen bere lehen lana; 'Arkatu Boyz'. Abestiak Ertzaintza du hizpide eta oso kritikoa da poliziarekin. Zentzu horretan, kanta audio mozketa batzuekin hasten da. Sarrera hori guztia dago oinarrituta Amurrioko Tubacex enpresako lantegian grabatutako gertakari batean. Pasarte horretan Brigada Mugikorreko ertzain batek langile bat mehatxatu zuen: "Esaten badidazu berriro gaizkile bat naizela, etorriko zara nirekin", atxilotuko zuela iradokita.
Berez, bizipen hori guztia hemen ikus daiteke. Izan ere, beharginak ez zion uko egin gaizkile deitzeari eta ertzaina gonbidatu zuen bera atxilotzera.
Ika-mikaren jatorria, Aiataldea.eus-en argitaratutako olerkia
Talkaren zergatia izan honakoa izan zen: Tubacexeko grebalaria ertzainen aurrean hasi zen olerki bat irakurtzen; Gaizkileak. Lana Aiaraldea webgunean argitaratu zen, Ortzadarra komunitateko kideak idatzita. Testuak Aiaraldeko lantegietako greba lantzen zuen, eta hitz oso zorrotzak zituen Tubacexeko jabeen eta eskirolen kontra, baina baita Ertzaintzaren aurka ere:
Nire ahalmen apalean,
Bi gaizkile mota ezagutzen dut.
Lehenak, gardenak.
Lan gatazka batean, autobus berezian datozenak:
Enpresaren kudeatzaileak, eskirolak
Eta indarkerian trebatu izan direnak,
Autobusaren parean,
Jaurlaritzak bidalitako emakume zein gizonak.
Bigarren motako gaizkileak, faltsukerian arituak.
Irungo eta Hondarribiko desfiletako
Kantinerak bezalako,
Haizemailea mugiarazteko trebeenak.
Tenteak,
Irribarretsuak,
Ondo geratzeko abilenak,
Tontotzat hartzen gaituztenak.
Adibide bat, besterik ez, luzatuko dut airera:
Emakumeen lan-prekarietatea
salatzen duten bitartean],
Haien agindupean dauden emakume prekarioak
Existitzen dira.
Batzuek eta besteek klase bat osatzen dute:
Borreroen eta maskaratuen itzelezko klasea.
Baina ez, ez daude bakardadean
Duintasuna eta lanpostua defendatzen dutenek.
Entzun duzu Lehendakari ohia, ezta, Urkullu jauna?
Badaezpada, neuk gogoratuko dizut
Bere hitzen zentzua:
Aurrera borrokaren ufada tinkoak!
Kosmai Kosinek lekukoa hartu du
Kosmai Kosin Garikoitz Arroyo abeslariak eta Gaizka Lamar DJak osatzen dute. Gorpuzkingz taldeko sortzaileek ibilbide berria abiatu dute proiektu honekin. Bere lehen taldearekin euskal musikara trap doinuak ekarri ostean, soinu elektronikoak jorratzen jarraitzen dute. Arroyo Gaztea Irratiko kolaboratzaile izan da, eta Kosmai Kosin aurkezteko 'Arkaute Boyz' abestia hautatu zuten apirilean. Gero beste hiru abesti plazaratu dituzte.
Letrari erreparatuta, 'Gaizkileak' olerkiaren bide bera egiten du 'Arkaute Boyz'-ek: