Isidro Murga zendu da, 72 urte zituela. Patxo Murga anaiarekin batera 18/98 sumarioan epaitua izan zen laudioarra, Egin egunkaria sustatzeagatik terrorismoa leporatuta. Ondorioz, 8 urte eman zituen espetxean. 2015ean berreskuratu zuen askatasuna, 69 urterekin:
Laudioko EH Bilduk bere ibilbidea eta Euskal Herriaren alde egindako lana azpimarratu ditu. Gara hedabideak, berriz, konpromisoa nabarmendu du, egunkariak bizi duen kinka azaleratzeko Laudioko talde sustatzailean hartu baitzuen parte herrian hitzaldia antolatzeko.
Isidro Murga Luzuriaga hil berri da. Patxo anaiarekin eta Pablo Gorostiagarekin batera urte luzez espetxeratua, #egin egunkariaren alde, gure Herriaren alde lan egiteagatik.
— EH Bildu Laudio (@ehbildulaudio) 27 de abril de 2019
Besarkada estua etxekoei.
Gugan bego.
Agur eta ohore, Isidro. pic.twitter.com/HpoXz2ywez
Arnaldo Otegik ere izan du laudioarra gogoan: "Gure herriaren askatasunaren aldeko borrokalari nekaezin batek utzi gaitu gaur. Ireki zuen bidea urratzen arituko gara bihar milaka herritar. Agur eta ohore, Isidro Murga! Irabazi arte!". Baita Mertxe Aizpuruak ere:
Isidro Murga: Errepikaezinezko belaunaldi baten adibidea, duintasunaren isla eta beti aurrera ekiten duen herriaren ikurra. Laudion zendu da, Egin-en alde eta etengabe egiten bizitza eman ondoren.
— Mertxe Aizpurua (@MertxeAizpurua) 2019(e)ko apirilaren 27(a)
Gaur bihotzean sentitzen dugun min etsi honen gainetik... Garaipenarte, Isidro! pic.twitter.com/CM9s1ITIIu
Sortuko idazkari Arkaitz Rodrigezek, berriz, Bertol Bretchekin konparatu du, "ezinbesteko horietako bat joan izana adierazteko: "Isidro Murga, herri honekiko konpromisoa kartzelarekin ordaindu behar izan zuena, Bertol Bretchen ezinbesteko horietako bat, joan zaigu. Doluminak senideei, lagunei eta ezker abertzalearen komunitate osoari. Zuri, Isidro, ez adiorik, garaipen egun arte baizik!". Martin Garitanok, berriz, iritzi gutuna igorri dio, Naiz.eus bidez.
Politikagintzan ez ezik, herri mugimenduetan ere pertsona esanguratsua izan da Isidro Murga. Esaterako, Komando Sukaldari elkartearekin batera makina bat herri bazkari prestatu ditu. Horrez gain, Gure Esku Dagoko taldean aritu zen, eta San Blas zein Sagar azoka bezalako ekimenen prestaketetan.
18/98 epaiketaren harira, Isidro Murga, Patxo Murga eta Pablo Gorostiaga elkarrizketatu zituen Laudioko Dama Beltza ekoizpenak, "EGIN bahitu zuten egunkaria baina isiltzea lortu ez zutena" izeneko dokumentalean:
Agur ekitaldia
Familiak Aiaraldea hedabideari jakinarazi dionez, maiatzaren 2an -ostegunean- izango da agur ekitaldia, 19:00etan Laudioko kasinoan.
