Pandemiak Aiara Biraren 2020ko edizioa bertan behera utzi eta gero, indar berrituekin itzuliko da berriro proba martxoaren 13an. Zehazki, hurrengoak izango dira etapak, iazko ibilbideak errespetatuta: Martxoak 13: Laudio. Aldaikorreka plazatik abiatuko da eta 42 kilometro izango ditu ibilbideak. Martxoak 14: Okondo. 11:00etan Kultura Etxetik aterako da eta 43,1 kilometro bete beharko dituzte txirrindulariek. Martxoak 20: Artziniega. 16:00etan igerilekuetan izango dute abiapuntua kirolariek 44,6 kilometrotan zehar lehiatzeko. Martxoak 27: Arespalditza. 16:00etan herriko plazan hasiko da etapa eta 41,2 kilometroko ibilbidea izango dute aurretik. Martxoak 28: Amurrio. 11:00etan Elexondo kalean izango dute hitzordua parte-hartzaileek etapa luzeena egiteko, 51,6 kilometrokoa, alegia. Espainiako Federazioaren aitorpena Antolatzaileek jakinarazi dute Espainiako Txirrindularitza Federazioak kategoria nazionalaren barruan onartu duela Aiara Bira. Horrek esan nahi du Elitean egongo dela proba eta atzerriko taldeek ere aukera izango dutela izena emateko. Gainera, antolakuntzak honakoa gogoratu du: "15 eta 16 urte bitarteko mutilentzako lasterketa den arren, adin horretako neskek zein Junior kategoriakoek (17 eta 18) ere parte har dezakete". Jon Unzagak omenaldia jasoko du Aurten Jon Unzaga Bombín txirrindulari profesional ohia izango da omendua. Kirolari laudioarrak ibilbide bikaina egin zuen eta 1987tik 1996ra bitartean munduko maila gorenean aritu zen Kas, Seur, Clas-Cajastur eta Mapei taldeetan. Horrela, Frantziako 4 Tourretan, Italiako 3 Girotan, Espainiako 9 Vueltatan eta Munduko 2 txapelketetan lehiatu zen.
11:00etatik 14:30ak arte eta 17:00etatik 20:00ak arte.
EH Bilduk bere 10. urteurrenean osatu duen erakusketa izango du ikusgai.
22. Korrikara lotutako ekitaldia.
Kultudaberria ekimenaren barruan antolatutako ekintza.
"Skratx" haurrentzako antzezlana izango da Igande Arratsaldeak Familia ekimenaren eskaintza nagusia Arespalditzan. Horrez gain, askaria egongo da, norberak etxean jan dezan. Eguraldiaren arabera, ikuskizuna kalean edo udaletxean izango da.
"Las mil y una" filma eskainiko dute Martxoaren 8aren egitarauaren barruan.
Berri Txarrak taldeari buruzko dokumentala. 98 minutu. Sarrerak 5 euro balioko du.