Eraso matxistak salatzeko mobilizazioa deitu dute Urduñan larunbat honetan

Izar Mendiguren Cosgaya 2022ko ots. 9a, 19:38
Deskargatu Info Ahotsak :

Azken urtean hainbat genero indarkeria kasu salatu dira hirian. / Aiaraldea.eus

Urduñan iragan hilabetean salatutako bi eraso matxistak salatzeko elkarretaratzea egingo dute larunbatean Foru plazan. 

Urtarrilean bi eraso matxista salatu ziren hirian, Otsemeak talde feministaren Entzun gaitzatela tresnaren bidez. Lehenbiziko gertaera hilaren 5ean zabaldu zuen eragile feministak, sare sozialen bitartez. Hain zuzen, bortxatua izatea aitortu zuen neska gazte batek. Handik egun batzuetara, Urduñako Adi Emakumeak elkarteak oharra plazaratu zuen, eraso matxistaren aurrean erantzuteko premia azaleratzeko, baita erasotzaileekiko jarrerei erreparatzeko ere. "Urduñako herritar guztiak gonbidatzen ditugu gertatutakoa sinistu eta laguntzera; eta erasotzailearen inguruneari dei egiten diogu erasotzailea ez babestera", adierazi zuten irakurketa bat medio.

Elkarretaratze deialdia

Aipatu gertaerak salatzeko asmoz, larunbat honetan, otsailak 12, mobilizazioa egingo dute Foru plazan 13:00etan. Hain zuzen kontzentrazioa antolatu dute. Merkatu eguna izanik, ez da mobilizazio soila izango: Ilargiak musika taldeak girotuko du ekimena. 

Aiaraldeko Mugimendu Feministak atxikimendua eman dio deialdiari, sare sozialetan mezua zabalduta: "Aiaraldeko Mguimendu Feministatik deialdia egiten dugu larunbatean Urduñako kaleak hartzera! Sexu erasoak ezin dira normalizatu eta banalizatu! Salatu eta entzun gaitzatela!".

Urduñan salatutako erasoak

2022. urtean ez ezik, lehenago ere salatu izan dira genero indarkeria kasuak Urduñan:

 

 

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide