Bolo txapelketak ezaugarritu du Beotegiko jaien egitaraua. Larunbatean egin ziren lehen tiradak, eta igande eguerdian jokatu zen finala. Horrez gain, kontzertuak, dantza emanaldia edota herri bazkaria ere antolatu zituzten asteburua girotzeko, besteak beste.

Beotegiko jaiak ospatu dituzte asteburuan. Eguraldia lagun, giro apartaz gozatu dute bertaratutakoek. Bola txapelketa izan da festetako osagai nagusia.