Euskara sustatzeko hitzarmena sinatu dute udalak eta ikastetxeek

Erabiltzailearen aurpegia Garrastatxu Landaluze   Euskara  Urduña

Euskara sustatzeko hitzarmena sinatu dute udalak eta ikastetxeek

Euskara sustatzeko hitzarmena sinatu dute Urduñako Herri Ikastetxeak, Antzinako Andra Mari Ikastetxeak eta udalak.

Hitzarmen honen bidez, ikastetxeei 1500 euro inguruko diru-laguntza emango die hiriko udalak euskara bultzatzeko ekimenak egiteko: haurrentzako euskarazko ekintzak antolatu, egoera soziolinguistikoa aztertu, baliabideak eskuratu eta abar. Ikastetxe bakoitzak dirua zertan erabili erabaki dezake.

Udalak Zikoina aldizkariaren bitartez jakinarazi duenez, hitzarmen hau datozen urteotan (2011. eta 2012. urteetan) baliagarria izango da.

Euskararen erabilerako udal ordenantzaren aldaketek alde eta kontrako erreakzioak eragin dituzte

Erabiltzailearen aurpegia Izar Mendiguren Cosgaya   Euskara

Euskararen erabilerako udal ordenantzaren aldaketek alde eta kontrako erreakzioak eragin dituzte

Laudioko Udalean astelehenean egindako Udalbatzan, euskararen erabilerako ordenantzaren moldaketak behin behineko izaeraz onartu dituzte. 30 eguneko epean behin betiko bilakatuko da erabakia. Besteak beste, aldaketen ondorioz euskara eta gaztelania maila berean egonagatik bi hizkuntzetan ahoz zein idatziz komunikatzeko eskubidea aldarrikatu dute. Ondorioz, Udalak euskara hutsean komunikatuz bizi nahi duten herritarrek horretarako aukera izan dezaten beharrezko neurriak hartuko dituela iragarri ditu.

Euskararen Nazioarteko Egunaren baitan Aiaraldeko agendak bete dira

Erabiltzailearen aurpegia Irati Mendiguren Cosgaya   Euskara

Euskararen Nazioarteko Egunaren baitan Aiaraldeko agendak bete dira

Aiaraldeko herri eragile, instituzio eta kultur taldeak ostiralera begira daude honezkero. Abenduaren 3a, jakin badakigunez, Euskararen Nazioarteko Eguna izango da mundu osoan. Eta, nola ez, Euskal Herrian eta Aiaraldean ere, badira hainbat ekimen egun berezi hau euskaraz janzteko.

“Arabako Euskaldunon Elkarguneen Topaketak" aurrera egingo du larunbatean

Erabiltzailearen aurpegia Irati Mendiguren Cosgaya   Euskara

“Arabako Euskaldunon Elkarguneen Topaketak" aurrera egingo du larunbatean

Joan den larunbatean, azaroak 13, hasiera eman zitzaien Arabako euskaldunon elkarguneen topaketei. Manuel Moreno Arabako Topagunearen ordezkariak adierazi digunez, herrialdeko hainbat eskualdetatik etorritako 50 lagun bildu ziren Gasteizko Artiumean.

Beste 62 gaztek egin dute bat "Oxigenoa euskarari" programarekin

Erabiltzailearen aurpegia Ane Ortega Diez   Euskara  Laudio

Beste 62 gaztek egin dute bat "Oxigenoa euskarari" programarekin

"Ikasturte baterako programa zena ikasturte biko bilakatu dugu". Horiek dira Izaskun Miñano, Laudioko Udaleko Euskara Arloaren arduradunaren hitzak. Sar ezazu hanka egitasmoaren barruan, gazteen artean euskara bultzatzeko proiektua da Oxigenoa Euskarari. Iaz abiatu zuten, urte baterako ekitaldiekin. "Inork gutxik irudika zezakeen zer nolako harrera eta emaitza onak lortu zitzakeen iaz. Hain izan dira onak inpliaktutako alde guzitek egindako balorazioak ezen errepikatu ez ezik indartzea ere erabaki dela", dio Miñanok.

Harrera bikaina izan du gazteen artean euskara sustatzeko programak

Erabiltzailearen aurpegia Edorta Moreno Martin   Euskara

Euskara eta Gazteri Sailetik gaztetxoen artean euskararen zabalpena bultzatzeko aurkezturiko programak harrera ezin hobea izan duela aitortu du Laudioko Udalak ostiralean emaniko prentsaurrekoan. Hainbat ekimenez osaturiko jardunaldiek hain arrakasta handia izan dute ezen udalak jardunaldietara apuntatzeko beste talde batean izen emateko epea ireki behar izan duen eta programa zabaldu eta indartzeko erabakia hartu duen jardunaldi eskaintza urte betetik bi urtetara pasatuz.

Kondaira eta indusketa lanen berri izateko, irteera San Adriango tunelera

Erabiltzailearen aurpegia Izar Mendiguren Cosgaya   Euskara

Kondaira eta indusketa lanen berri izateko, irteera San Adriango tunelera

San Adriango tunelean (Araia, Araba) egindako indusketa arkeologikoen emaitzak ezagutzeko aukera izango dute igande honetan herritarrek. Izan ere, Udaleko Euskara Arloak Sar ezazu hanka programaren barruan kokatu du euskaraz mintzatzea helburu duen txango berria. Alfredo Moraz Aranzadi Elkarteko indusketa zuzendariarekin egingo dute ibilaldia, eta Frantzia Espainiarekin lotzen zuen bide garrantzitsuenetako bat, Lizarrate, bisitatuko dute.

Udal bulegoetako langileen ia erdiak euskara praktikatzeko programetan hartzen du parte

Erabiltzailearen aurpegia Izar Mendiguren Cosgaya   Euskara

Udal bulegoetako langileen ia erdiak euskara praktikatzeko programetan hartzen du parte

Izaskun Miñano Euskara Arloko zinegotziaren arabera, Laudioko udaletxeko bulegoetan dauden langileen erdiak bat egin du euskara praktikatuz erabilera sustatzeko sortu dituzten taldeetan. Ekimena "Sar ezazu hanka" programaren barruan kokatu du Euskara Arloak, eta Euskararen Erabilera Normalizatzeko 2008-2012 Plan Estrategikoaren baitan ezarri da. Aurtengoa bigarren edizioa da, eta 37 langilek bat egin dute ekimenarekin.

ARGAZKI BILDUMA: Euskararen eguna Laudion

Erabiltzailearen aurpegia Gartzen Garaio Atxurra   Euskara  Laudio

ARGAZKI BILDUMA: Euskararen eguna Laudion

Larunbatean euskararen eguna ospatu zen Laudion. Aurtengo jaiak baina bi eszenatoki izan zituen, plaza ingurukoa eta Larrazabal auzoan Jaiak Koordinakundeak ospatu zuena. Hona hemen batean eta bestean jasotako argazkiak.

Argazkilaria: Ane Ortega

Data: 2010eko Irailak 25

Argazkiak ikusteko egin Klik HEMEN

Euskara sustatzeko ekintza eranginkorrak garatzeagatik Lazarraga Saria eman diote JEZi

Erabiltzailearen aurpegia Izar Mendiguren Cosgaya   Euskara

Euskara sustatzeko ekintza eranginkorrak garatzeagatik Lazarraga Saria eman diote JEZi

Atzo izan zen Lazarraga Sarien banaketa Gasteizko Bibat museoan. Lau sail desberdinetan, Aiarako hiru enpresa izendatu zituzten hautagai duela aste batzuk, eta atzo, Laudioko JEZ enpresari eman zioten Lazarraga Saria. Hain zuzen ere, euskara sustatzeko ekintza eraginkorrak garatzeagatik. Era honetan nabarmendu dute JEzek euskararen alde egiten duen apustu nabarmena.

Lazarraga Saria jasotzeko hautagaien artean, Aiarako hiru enpresa daude

Erabiltzailearen aurpegia Izar Mendiguren Cosgaya   Euskara

Lazarraga Saria jasotzeko hautagaien artean, Aiarako hiru enpresa daude

Nola Amurrioko Adi! Zentro Grafikoa, hala Laudioko Talleres Gometegi eta JEZ enpresak bihar jakingo dute Lazarraga Sariaren jabe diren edo ez. Arabako Diputazioak eta Bai Euskarari elkarteak antolatu dute ekimena eta sari hauen bidez Arabako lau entitate eta pertsona bat sarituko dira euren lan ingurunean euskara txertatzeko aurrera eramandako ekimenengatik. Antolatzaileen esanetan, helburu nagusia Arabako arlo sozio-ekonomikoan euskararen alde lan egin duten entitate edota pertsonak saritzea eta haien ahalegina errekonozitzea da.

"Oxigenoa Euskarari" programaren edizio berria "iazko arrakasta ikusita"

Erabiltzailearen aurpegia Gartzen Garaio Atxurra   Euskara  Laudio

"Oxigenoa Euskarari" programaren edizio berria "iazko arrakasta ikusita"

Laudioko Udalak gazteek euskara praktikatzeko iaz martxan jarri zuen “Oxigenoa Euskarari” programaren balorapen “arrakastatsua” egin berri du. Programa hau, “Sar ezazu hanka” egitasmoaren baitako adar bat da, eta Udaleko Euskara Arloak adierazi duenez, “hain izan da ona ekimen honen balorazioa ezen errepikatu ez ezik indartu ere egingo da”.

“Laudio, Kantu kantari” bilduma eta herriko toponimia mapa kaleratu ditu Euskara Arloak

Erabiltzailearen aurpegia Gartzen Garaio Atxurra   Euskara  Laudio

“Laudio, Kantu kantari” bilduma eta herriko toponimia mapa kaleratu ditu Euskara Arloak

 Laudioko Udalak berriki kaleratu du “Laudio, Kantu kantari” euskal kantuen bilduma. Azkenaldian asko dira euskarazko kantu zahar eta berriak ahotan hartu eta kaleak doinu horietaz betetzeko gertu azaldu diren pertsonak eta taldeak, hainbat festetan ezinbesteko ekimen bilakatzeraino ia.

"Eraso guztien gainetik, euskara aurrera" Laudioko Euskara teknikariaren prentsa-oharra

Erabiltzailearen aurpegia Gartzen Garaio Atxurra   Euskara  Laudio

Aurtengo Euskal Jaiaren ospakizuna dela eta piztu den polemikaren aurrean, Laudioko udaleko euskara teknikariak bere izenean igorri die prentsa oharra medioei. Gurekin harremanetan jarri eta argitaratzeko eskatu digu. Polemika aiaraldea.com-en horren bizi egonda, nahiago izan dugu prentsa oharra dagoen bezala argitaratzea azalpen kamutsik eman ez eta gaizki ulertzeak ahal den neurrian ekiditeko. Hona hemen beraz, hitzez hitz jasotakoa.

 

ERASO GUZTIEN GAINETIK, EUSKARA AURRERA

EUSKAL JAIA - 2010

Euskara ikasteko eskaintza oparoa ikasturte hasiera honetan

Erabiltzailearen aurpegia Gartzen Garaio Atxurra   Euskara  Aiaraldea

Euskara ikasteko eskaintza oparoa ikasturte hasiera honetan

Euskara ikasteko matrikulazio kanpaina ireki da. Horrela adierazi dute Aiaraldeko AEK-ko arduradunek eta Laudioko Udal Euskaltegikoek.