"Bohemian Rhapsody"

Erabiltzailearen aurpegia Txetxu Urkijo   Kultura

"Bohemian Rhapsody"

Jatorrizko izenburua: Bohemian Rhapsody

Zuzendaria: Bryan Singer

Gidoilaria: Anthony McCarten

Aktoreak: Rami Malek, Joshep Mazzello, Bem Hardy...

Herrialdea: Erresuma Batua

Iraupena: 134 minutu

Ekoizpen-urtea: 2018

IRITZI ARTIKULUA: Asier Rubio (Amurrio)

IRITZI ARTIKULUA: Asier Rubio (Amurrio)

Erabiltzailearen aurpegia Aiaraldeko Euskalgintza Kontseilua   Euskara

Hasi da Euskaraldia, Azaroaren 23tik Abenduaren 3ra Euskal Herriko bazterrak euskaraz blaitzeko asmoz sortutako ekimena. Badira atzoko eguna irrikaz espero zutenak, txapa paparrean jantzi eta mingainak dantzan zein belarriak tente jartzeko unea noiz helduko zain zeudenak. Euskaltegian ikasitakoa praktikara eramateko gogoa duten nagusiak eta ez hain nagusiak (Aupa zuek!). Aspaldi galdutako ohitura berreskuratzeko aukera ikusi dutenak eta ekimenak dituen 11 egunak normaltasunez biziko dituztenak.

Hamaika aurpegi, ahots eta egun izango ditu aurten, Euskararen egunean amaituko den egitasmoak. Hamaika egun urteetan zehar eraiki ditugun harremanei astinaldi bat emateko. Izan ere, euskaraz komunikatu eta bizitzeko aukera uste baino gehiagotan dugula ohartzeak bultzada eman diezaioke egunerokotasunean hizkuntzarekiko dugun jarrerari.

Baina zalantza daukat nahikoa ote den arnas(g)uneak eraikitzea. Askok badakigu lagungarriak izan arren, hamaika egun ez direla nahikoa, edo behintzat, hamaika, hainbat hitzaren sinonimo ez denean. Beste batzuk aldiz, gustora geratuko dira, aurpegia zuritu ostean, abenduaren 4ean, txapa gorbatadun jantzietatik kendu eta egunero herri hau euskaratik eta euskaraz eraikitzen ari direnen ilusioarekin batera kajoi baten barruan gordetzen dutenean.

 

Ahobizi naizela!

Ahobizi naizela!

Erabiltzailearen aurpegia Euskaraldia Aiaraldean   Euskara

Gaur Euskaraldiaren aitzakia baliatu euskaraz mintzatzeko!

IRITZI ARTIKULUA: Udaberria euskaltegiko 2.taldea (Urduña)

IRITZI ARTIKULUA: Udaberria euskaltegiko 2.taldea (Urduña)

Erabiltzailearen aurpegia Aiaraldeko Euskalgintza Kontseilua   Euskara

Laguntza behar dugu, baina prest gaude!

Urduñako Belarriprest-talde bat gara eta urduri gaude; Euskaraldian parte hartuko dugu, baina nahiago dugu horretan ez pentsatu beldurtzen garelako; lotsa apur bat ere badugu gure euskara-maila oso ona ez delako, baina saiatu egingo gara, eta horregatik harro gaude, baita ilusionatuta eta konprometituta ere.

Gero eta parte-hartzaile gehiago gara eta hori oso ona da euskara zabaltzeko. Gainera, Euskaraldian adina, sexua, jatorria... ez dira garrantzitsuak; benetan beharrezkoa dena euskara erabiltzea da. Gu Belarriprest gara, bai, baina ez dago arazorik Euskaraldian guztiok parte hartzeko aukera dugulako, bakoitzak ahal duen bezala.

Aurten iaz baino gehiago garela uste dugu, eta pentsatzen dugu oraindik ere gehiago izan gaitezkeela. Gure ustez, gazteek inplikazio handiagoa izan behar dute; ez dakigu nola egin behar den, baina haiek euskara gehiago erabiltzeko ekintzak prestatzea beharrezkoa dela uste dugu.

Askotan esaten dugu ez dugula euskaraz hitz egiten ohiturarik ez dugulako, ba, gure iritziz, Euskaraldiaren 11 egunak arrazoi ona dira ohitura hartzeko eta egunero, urteko 365 egunetan, euskara erabiltzeko. Horrela euskara egunero bizirik egotea lortuko genuke.

Gu ahalegin handia egiten ari gara, baina merezi duela uste dugu, eta, denok elkarlanean aritzen bagara, helburua lortuko dugu, ziur gaude! Beraz, animatu eta erabili euskara! Euskara gurea da!!!

Indarkeria matxistaren aurkako lazo moreak prestatzen aritu dira Nagusien Egoitzan

Erabiltzailearen aurpegia Urduñako udala   Jendartea

Indarkeria matxistaren aurkako lazo moreak prestatzen aritu dira Urduñako Nagusien Egoitzako kideak, igandean izango baita Emakumeenganako Indarkeriaren Aurkako Eguna.

»» Ikusi argazki guztiak (11)

IRITZI ARTIKULUA: Zutoia Latatu (Orozko) eta Goiatz Urkijo (Areta)

IRITZI ARTIKULUA: Zutoia Latatu (Orozko) eta Goiatz Urkijo (Areta)

Erabiltzailearen aurpegia Aiaraldeko Euskalgintza Kontseilua   Euskara

Egotetik, egitera. Alde egotetik, alde egitera, alegia. Hori da EUSKARALDIA.

Hori da gaurtik eta abenduaren 3ra, hau da, 11 egunez egitea aukeratu duguna.

Euskaldun egiten gaituen horrek, EUSKARAK; kaleak, ikastetxeak, tabernak, plazak... zipriztinduko ditu. Aho bizi-biziak eta belarri prestu-prestuak nonahi daude; txapa soinean ikusi bezain laster, irribarre baten eta euskarazko hitz bat esateko edota entzuteko esperoan.

Orain arte egin duguna historikoa da. Euskal Herrian milaka eta milaka gara 11 egun hauetan zehar euskara hauspotu eta kaleratuko dugunok. Euskaraldian izena eman eta gure eguneroko hizkuntza ohiturak astinduko ditugunak, konpromisoa hartu eta EUSKARAZ BIZIKO GARENAK!

Jakin badakigu, ez dela lan makala aurretik duguna; baina Euskal Herriko edozein txokotan, ilusio hori duen eta euskararen hautua egin duen norbait topatuko dugu. Herri oso bat dugu bidelagun, beraz utzi ditzagun lotsak eta beldurrak alde batera eta aritu gaitezen euskaraz gure inguruarekin; lagunekin, familiarekin, langileekin, bikotearekin, ezagunekin edota ezezagunekin edonon eta edonola bada ere.

Beraz, goza ditzagun 11 egun hauek eta noski, baita ostean datozen 365 egunak ere.

JANTZI DEZAGUN AHOBIZI EDOTA BELARRIPREST TXAPA! JANTZI DEZAGUN EUSKARA!

Zeramika pieza handi batek Urduñako historia gogorarazten du

Erabiltzailearen aurpegia Urduñako udala   Kultura

Zeramika pieza handi batek Urduñako historia gogorarazten du

Euskaraldiaren abestiaren koreografia praktikatzen aritu dira Amurrioko AEKn

Erabiltzailearen aurpegia Euskaraldia Aiaraldean   Euskara

Amurrioko AEKko ikasleek ekin diote bihar hasiko den Euskaraldiari begira motorrak berotzeari. Kanpainaren abestiaren koreografia entseatzen aritu dira.

»» Ikusi argazki guztiak (22)

Injustizia patriarkalari ateak itxi! Neska* gazteok autodefentsa feminista!

Erabiltzailearen aurpegia Ernai Aiaraldea   Politika

Ekimena egin zuten atzo Ernai Gazte Antolakundeko kideak Bizkaiko Justizia Jauregiaren aurrean. "Injustizia patriarkala" salatu eta "autodefentsa feministarako" deia luzatu zuten. 

Virgen Niña ikastetxea ere, Euskaraldiaren alde!

Erabiltzailearen aurpegia AMAURRE Ikastetxea   Euskara

Virgen Niña ikastetxea ere, Euskaraldiaren alde!

Orozkon hamaika ekintza ere Euskaraldiarekin bat egiteko

Orozkon hamaika ekintza ere Euskaraldiarekin bat egiteko

Erabiltzailearen aurpegia Aiaraldeko Euskalgintza Kontseilua   Euskara

Orozkon ere, azaroaren 23tik hasita hamaika ekintza ezberdin antolatu dituzte Euskaraldiarekin bat egiteko.

Abenduaren 2an Laudion ospatuko den Euskaraldia amaiera jaiko BAZKARI TIKETAK jada salgai

Abenduaren 2an Laudion ospatuko den Euskaraldia amaiera jaiko BAZKARI TIKETAK jada salgai

Erabiltzailearen aurpegia Aiaraldeko Euskalgintza Kontseilua   Euskara

Euskaraldiari amaiera emateko, abenduaren 2an Laudion jaia antolatuko da. Bertan, hamaika ekintzez gozatzeko aukera egongo da.

Inoizko bazkari herrikoi  handiena egitea dugu helburu, beraz animatu eta erosi ezazu txartela azaroak 29 (osteguna) baino lehen.

Bazkariko tiketak badaude  salgai, 5 eurotan, eskualdeko 41 puntutan:

Suaia eta Ama Rebel: Joseba Urruela eta Ander Tejerinaren proiektu berria

Erabiltzailearen aurpegia Erredakzioa   Kultura  Aiaraldea

Ander Tejerina eta Joseba Urruela eskualdeko musikariek proiektu berria abiatu dute; Suaia eta Ama Rebel. Bideoklipa plazaratu dute jadanik eta diskoa azaroaren 27an egongo da salgai.

Luis Vilen "Y no dijimos nada" lana, hemen ikusgai

Erabiltzailearen aurpegia Erredakzioa   Kultura  Amurrio

Vladimir Mayakovski olerkari komunistaren poema batean oinarrituta osatu du bideoa Vilek, Maria Rivero abeslariaren eta Amurrioko hainbat bizilagunen parte hartzearekin.

Amurrio Club eta CD Laudio batera, Euskaraldiarekin bat

Erabiltzailearen aurpegia Euskaraldia Aiaraldean   Euskara

Lagunarteko partidua jokatu dute gaur Amurrio Club eta CD Laudiok Ellakuriko zelaian. Partidua baino lehen elkarrekin aritu dira bi taldeetako kideak, ostiralean hasiko den Euskaraldiaren aldeko argazkiak ateratzen.

»» Ikusi argazki guztiak (4)