Nerbioi-Ibaizabal Mankomunitateak eskualdeko Klima eta Energia Plana egin zuen 2022an. Plan horrek, 3.1.2 ekintzan, eskualdeko Mugikortasun Jasangarriko Plana eguneratzeko beharra jasotzen du. Euskal Autonomia Erkidegoko Jasangarritasun Energetikoari buruzko 4/2019 Legeak hiri-mugikortasunaren diagnostikoak egiteko beharra lantzen du, Mugikortasun Jasangarriko Planei begira.

Nerbioi-Ibaizabal eskualdeko udalerrietan ingurumen-hezkuntzako kanpainak iraungo duen hamabi asteetatik sei igaro dira. Bi ingurumen-hezitzaile egon dira Arakaldon, Zaratamon, Zeberion, Arrankudiaga-Zollon, Arrigorriagan eta Urduñan. Orain Orozkon (apirilaren 2tik 6ra), Etxebarrin (apirilaren 8tik 27ra) eta Ugao-Miraballesen (apirilaren 29tik maiatzaren 8ra) egongo dira.