Kirola

Roberto Rojo “Gorri", bere bosgarren zortzimilakoaren bila

Xabi Zalbide 2010-06-11 10:47   Kirola

Bere bosgarren zortzimilakoa igotzeko asmoz, zapatuan Pakistanera abiatuko da, Carlos Martínez gasteiztarrarekin batera. Uztailaren 15 eta 20 bitartean heldu gura dute tontorrera, eta bide normaletik sherpa eta oxigeno barik joango dira.

Udako umeentzako kirol-jardueretan apuntatzeko epea zabalik

Xabi Zalbide 2010-06-08 08:23   Kirola

Zabalik dago Aiarako umeentzako kirol-jardueretan izena emateko epea. Uztailean zehar egingo dira eta euskaraz izango dira.

Uztailaren 1etik 30era bitartean Aiarako umeek uda  kirola eginez eta euskara praktikatuz emateko aukera izango dute. Helburu horrekin Aiarako Udalak kirol-jardueren programa bat atondu du, hilabete osoan zehar Etxaurren ikastolan eta Arespalditzako ludotekan burutuko dena. Ekintza guztiak fisikoak izango dira, eta euskaraz egingo dituzte.

Eli Pinedo Itxakoko eskubaloilari amurrioarrak taldea utzi du

Izar Mendiguren Cosgaya 2010-05-18 11:14   Kirola

Lizarrako (Nafarroa) taldearekin bigarrenez, ABF liga irabazi ondoren Eli Pinedo eskubaloilari amurrioarrak Itxako taldea utziko duela iragarri du. "Patri -ahizpa- eta ni oso pozik gaude Liga irabazteaz, denboraldi berean hiru titulu irabaztea amets bat da. Ezin da gehiago eskatu". Izan ere, ligaz gain Superkopa eta Erreginaren Kopa ere eskuratu dute aurten.  Prentsari adierazi dionez, duela hiru urte laugarren postuan hartu zuen taldea, lehenengo postuan utzita alde egingo du.

Ganbegi hockey taldeak Gijonen irabazi behar du gaur mailari eusteko

Izar Mendiguren Cosgaya 2010-05-15 10:36   Kirola

Ganbegi 6-2 Hockey taldeak ligako partidarik garrantzitsuena jokatuko du gaur  Gijóneko unibertsitateko zelaian. Izan ere, RGC Covadonga taldearen aurka irabaztea ezinbestekoa du Espainiako ohorezko lehen mailan jarraitu ahal izateko. Galdu egiten badute, Pasaiako Trintxer eta Santanderreko Sardinero taldeen emaitzen zain geratu beharko dira.

Realak Gardeako hockey zelaian jokatuko ditu azken bi partidak

Izar Mendiguren Cosgaya 2010-05-06 14:38   Kirola

Donostiako hockeyko Realeko jokalariek Gardeako zelaian jokatuko dituzte Espainiako lehen mailako azken bi jardunaldiak. Talde donostiarrak Bera-Bera (Donostia) zelaian entrenatu du orain arte, baina zelaiaren konponketak direla-eta, herenegundik entrenatzeko leku gabe geratu dira. Maite Jaunarena Realeko kapitainak gogor kritikatu du erabakia : "Nola da posible, denak lehiaketan gaudenean, Gipuzkoako belar hockey guztia hilabetez entrenatzeko eta jokatzeko tokirik gabe uztea?". Izan ere, Realaz gain ugariak dira kirol hau praktikatzen duten donostiarrak.

Arabako lehenengo mailara igotzeko play offak jokatuko ditu House's Band saskibaloi-taldeak

Urtzi Mayo 2010-05-05 10:15   Kirola  Laudio

House's Band saskibaloi taldeak datorren larunbatean arratsaldeko 17:00etan igoera gauzatzeko partida jokatuko du Gasteizko Arenalde kiroldegian. Laudioko taldeak denboraldi osoko partidarik garrantzitsuenean Artepan Ekialde taldea edukiko du aurrez aurre.

Gasteizko taldeak denboraldi paregabea egin du Arabako Bigarren mailan eta lortutako emaitzek erakusten dute talde honen gogortasuna. Hala ere House's Bandeko jokalariak ez daude batere urduri emaitza horiekin, aurten lortutako markak ez baitira ahuntzaren gauerdiko eztula, hamasei garaipen eta sei porrot.