“Arropa erosi ordez, duguna birmoldatzeko aukera eman nahi dugu”

Erabiltzailearen aurpegia Txabi Alvarado Bañares   Jendartea  Orozko

“Arropa erosi ordez, duguna birmoldatzeko aukera eman nahi dugu”

ESTITXU CARRASCO (Basauri, 1985) Orozkon sortutako TrucaRec elkarteko kidea da. Bilbon du egoitza taldeak, eta arropa erabilia birmoldatzea du xede. Tailerrak antolatzen dituzte horretarako.

Aurtengo Santa Luzia azokak markak hautsi ditu

Erabiltzailearen aurpegia Erredakzioa   Jendartea  Orozko

Eguraldiari esker arrakasta berezia izan du aurtengo Santa Luzia Azokak; salmenta-postu batzuek pastel eta ogi guztiak saldu zituzten, adibidez. Horrez gain, jende ugarik dastatu zituen terreña hanburgesak.

Antolatzaileek nabarmendu dute abeltzain gazte ugarik parte hartu zutela azokan eta horrek bermatuko duela terreña arrazaren iraupena.

Hurrengo sariak banatu zituzten:

Gurutzetan ospitaleratu dute 54 urteko langile bat istripua izan ostean

Erabiltzailearen aurpegia Erredakzioa   Jendartea  Orozko

Gurutzetan ospitaleratu dute 54 urteko langile bat istripua izan ostean

Istripua 15:00ak aldera gertatu da Orozkon, Gallartun mendian, hain zuzen. 54 urteko langile bati pinu bat erori zaio gainean zuhaitzak mozten ari zirela.

Zerbitzu medikuak, suhiltzaileak eta Ertzaintza bertaratu dira istripuko lekura. Azkenean, helikoptero batek eraman du Gurutzetako ospitalera.

Saratxoko industrialdea eta herrigunea elkartuko dituen bidean 63.470 euro inbertituko dituzte

Erabiltzailearen aurpegia Irati Moreno   Jendartea

Saratxoko industrialdea eta herrigunea elkartuko dituen bidean 63.470 euro inbertituko dituzte

Amurrion egindako azken udal osoko bilkuran alderdi guztien adostasuna jaso zuen Saratxoko industrialdea eta herrigunea elkartuko dituen bidearen eraikitzeak.

Arespalditzako Zentro Soziala inauguratuko dute

Erabiltzailearen aurpegia Erredakzioa   Jendartea  Aiara  Aiara: Arespalditza

Arespalditzako Zentro Soziala inauguratuko dute

Hilaren bukaeran zentro soziala ezagutzeko ate irekien jardunaldia egingo du Arespalditzako Administrazio Batzarrak. Eraikina auzokideek egin nahi dituzten ekintzak gauzatzeko egin da, besteak beste. Guztira, 300.000 euroko gastua egin dute eta Arabako Foru Aldundiak eta Eusko Jaurlaritzako EREIN programak emandako diru-laguntzei esker ordaindu dute.

Urduña hobetzeko 7 gunetan 11 proposamen egin dituzte

Erabiltzailearen aurpegia Izar Mendiguren Cosgaya   Jendartea

Urduña hobetzeko 7 gunetan 11 proposamen egin dituzte

Urduñako udalak ornamentazioa hobetzeko proposamen ezberdinak egin ditu. Helburua hiriaren irudia hobetzea da. Horretarako, lantalde bat sortu zuten duela hilabeteak turismoa, Sustapen ekonomikoa eta obra eta zerbitzuen arloetako hainbat ordezkarirekin. Lan-taldearen emaitza da, esaterako, Alde Zaharra edertzeko egindako plana. 

Elikadura eskolako lehen saio gaur izango da

Erabiltzailearen aurpegia Izar Mendiguren Cosgaya   Jendartea

Elikadura eskolako lehen saio gaur izango da

Urduñako Herri Ikastetxeko Guraso Elkarteak "Elikadura eskola" abiatu du. Egitasmoa "Eskola Jantoki" programaren barruan dago. Funtsean, elikaduraren inguruko tailerretan oinarrituko da dinamika. Lehendabiziko saioa gaur, abenduaren 14an, izango da, 17:30ean ikastetxean. Bertan, Elikadura Justizia Globalaren kanpaina aurkeztuko dute, azukrearen ingurukoa, hain zuzen ere.

Proiektua Urduñar guztiei zuzendua dago. Gainera, haurtzaindegi zerbitzua eskainiko dute, eta saioak dirauen bitartean janariarekin zerikusia duten umeentzako tailerrak antolatuko dituzte. 

Lau pertsona eraman dituzte ospitalera sute baten ondorioz

Erabiltzailearen aurpegia Erredakzioa   Jendartea  Laudio

Lau pertsona eraman dituzte ospitalera sute baten ondorioz

Laudioko Urumea kalean gertatu da sutea 13:10ak aldera. Pertsona bat bazkaria prestatzen ari zela sua piztu da sukaldean.

Hasiera batean, auzokide batek lagundu du sua kontrolatzen. Geroago, suhiltzaileak heldu dira eta guztiz itzali dute.

Zerbitzu medikuek lau pertsona eraman dituzte ospitalera. Horietako hiruk kea arnastu dute. Dena den, ez dute inor artatu erretzeagatik.

Okondoko Udalak ere Whataspp sistema erabiliko du informazioa zabaltzeko

Erabiltzailearen aurpegia Kaitin Allende Zaldunbide   Jendartea

Okondoko Udalak ere Whataspp sistema erabiliko du informazioa zabaltzeko

Okondoko Udalaren informazioa jaso nahi duen ororentzat, abenduaren 14tik aurrera, Okondoko Udalak Whatsapp bidezko informazio-sistema berria abiatuko du.

Unean-unean Okondoko kultur eta kirol jarduera, beste ekitaldi, edota bestelako informazio interesgarria jasotzeko aukera zabalduko du hileon Udalak.

2016. urteko zinebonoa kintoentzat doan izango da

Erabiltzailearen aurpegia Irati Moreno   Jendartea

2016. urteko zinebonoa kintoentzat doan izango da

Amurrioko Udalak, kultura-ohiturak sustatzeko asmotan, 2016 urtean 18 urte beteko dituzten gazteei Amurrio Antzokiko zinebonoa oparituko die.

Zinebonoak izendunak izango dira eta nahi duenak Kultur Etxera jo beharko du Nortasun Agiriarekin eskuratu ahal izateko. Abenduaren 28tik otsailaren 28ra bitartean jaso ahal izango dituzte gazteek zinebonoak.

Zinebonoa erabilita Amurrioko Antzokian 4 pelikula ikusteko aukera izango dute neska-mutilek. 

Pirritx, Porrotx eta Marimototsen antzezlanerako sarrerak salgai

Erabiltzailearen aurpegia Irati Moreno   Jendartea

Pirritx, Porrotx eta Marimototsen antzezlanerako sarrerak salgai

Abenduaren 18an izango da Piritx, Porrotx eta Marimototsen ikuskizuna Bañueta Kiroldegian. Arratsaldeko 18:00etan  “Amalur” antzezlana aurkeztuko dute. Bertaratu ahal izateko sarrerak salgai daude Amurrioko Kultur Etxean.

Abenduan Antzokiko txartela eta zinema bonoak eskuratzeko aukera izango dute herritarrek

Erabiltzailearen aurpegia Erredakzioa   Jendartea  Amurrio

Abenduan Antzokiko txartela eta zinema bonoak eskuratzeko aukera izango dute herritarrek

Abenduko hilabetean Amurrioko Antzokiak hasiera eman dio “Gabonetan kultura oparitu” kanpainari. Horrekin publikoaren leialtasuna lortzea bilatzen du Antzokiak.

20 euroren truk lortu ahal izango dute herritarrek txartela. Horri esker 2016. urtean hainbat abantaila izango dituzte. Batetik, antzokian egingo diren ekintza guztietan deskontua.

Bestetik, lehentasuna izango dute sarrera erosteko unean. Gainera zinemarako 4 sarrera doan eskuratuko dituzte eta informazio guztia emailez jasoko dute.

Kultur etxean zein antzokian eros daiteke txartela.

Santa Luzia azokan sari ugari banatuko dute ekoizle eta abeltzainen artean

Erabiltzailearen aurpegia Erredakzioa   Jendartea  Orozko

Santa Luzia azokan sari ugari banatuko dute ekoizle eta abeltzainen artean

Bihar Santa Luzia azoka egingo dute Orozkon eta ohitura bilakatu den Euskadiko Terreña Arrazako Txapelketa ere gauzatuko dute.

10:00etan abiatuko dute ekimena eta ordu horretan tokiko ekoizleek -26 hain zuzen- euren produktuak izango dituzte ikusgai. Ordu erdi beranduago gauza bera egingo dute abeltzainek.

Horrez gain, artisauak herriko pilotalekuan egongo dira.

Laudio Ikastolako ikasleek desfilea egin zuten atzo

Erabiltzailearen aurpegia Erredakzioa   Jendartea  Laudio

Ikasbidaia ordaintzeko moda desfilea antolatu zuten Laudio Ikastolako ikasleek. Hautatutako lekua ikastetxeko frontoia izan da aurten. Jende ugari hurbildu zen oholtza gainean aritu ziren gazteak ikustera.

Argazkiak: Raul Olaya

Bihar bukatuko da epea Amurrio Hiriko VIII. Gabon Kanta Errondan izena emateko

Erabiltzailearen aurpegia Irati Moreno   Jendartea

Bihar bukatuko da epea Amurrio Hiriko VIII. Gabon Kanta Errondan izena emateko

Abenduaren 23an izango da Amurrio Hiriko VIII. Gabon Kanta Erronda, arratsaldeko 6etatik aurrera. Parte hartu nahi dutenek abenduaren bihar arte izango dute izena emateko aukera. Horretarako Kultur Etxera hurbildu beharko dira.